[صالح العبدالكريم]

اليوم تحديداً بعد صلاة التراويح خرج أخي من المسجد ذاهب إلى سيارته ركب ناداه شخص عند الباب لو سمحت لو سمحت نزل من السياره ليتفاجأ بضربة حديده في ظهره ثم في رجله سقط على الأرض يتألم أخذو سيارته بسرعه وأنطلقو !! أسعفه شخص وكلمني من هاتفه ( تعالي في قسم الشرطة الذي يتبع الحي ) رحت بسرعه وأخبرني الموضوع لم اتفاجأ لأني أعرف من هذه القصص الكثير الكثير خصوصاً في السنتين الأخيره حيث أن الحراميّه كُثر في بلادي ! رأيت وفود من الناس داخل القسم ، أمر مضحك جداً أن يكونو كلهم مسروقين هذا مسروق بيته وهذا سيارته وهذا ولده يكلم بجواله عند الباب ووقفت سياره وهددوه بالسلاح الأبيض واخذو جواله ونقوده !!؟ والله هذا ما حصل ؟ احضرو لأخي بعد ان اخذو اوصاف السياره بكل برود وهو يحترق أعلم انه ليس مهتم للسياره هو يحترق على ما فُعل به ويحترق لهذا البرود وكأنه كلب في الشارع لا يُهتم لأمره ! احضرو ورقة تعهد .. وقع لو سمحت .. قرأها !؟ مكتوب أن لا يتعرض للسارق إذا وجده !!؟؟؟؟؟؟؟؟؟ يا ساتر يضربني ويسرق سيارتي واُهان ويقال لي ( خلاص إحنا نشوف شغلنا ) طيب اوكيه والآن .. قال أحد الأفراد في القسم بالعامّيه ( تبي نصيحتي رح بعد شوي لشارع أسمه شارع الذكريات جاينا بلاغ عنه أن فيه بعد الفجر تفحيط بس أنتبه اذا شفتهم تابع من بعيد لبعيد وحاول تسنّع امورك ) .. طيب وأنتم .. فقال ( يا ابن الحلال وربي فيه للحين سيارات مسروقه بالعشرات يعني إذا إنصاد عند تفتيش امك داعيه لك والاّ تخلّف الله ) !! يا سلااااااام !!!! رحنا وأمرنا لله لشارع الذكريات مدري شارع زفت .. وكأنك ما انت بالعاصمه سيارات واغاني ومبزره وعالم كأنهم نمل وكم حيوان يفحطون بسيارات مسروقه شي خرافي جداً وكرنفال للسربته والدشره !! اقول لأخوي ونحن غير مصدقين : طيب عندهم بلاغ ليه ما يداهمونهم قال مدري ؟؟ بعد فتره حضرت دوريتين وحده لومينا والثانيه جيب من سنة جدي وشغل الونان من بعيد والعالم تحركو .. يعني المسأله بس فرقهم !! ويروحون لمكان ثاني وبس كذا ! وكل قسم يرمي هالنوعيه على القسم الآخر ! عرفت بعد ذلك أن كل يوم على هذه الحاله لأنه صدر أمر كما يقول الضابط بعدم الطرد خوف من أن يتضرر السارق أو يحصل له شي !؟؟ يا سلام وقفنا عند دوريه واحنا راجعين للقسم ابتأكد .. فيه بلاغ جاكم على لوحة كذا لون كذا .. سأل بالجهاز قالو لا !؟ يعني من امس محد عمم .. ترجع للقسم يقولون لا عممنا بس هذا ما يدري يمكن .. شلون ما يدري وهو ماسك نقطة تفتيش !؟ اخيراً جت الطامه الكبرى من الضابط المسؤل بالقسم قال روحو نامو بس وعينو خير .. وين يعيّن الرجال خير واوراقه ومعاملاته وشغلات بالسياره وقهره قبل كل شي ! قال تدري عندنا الحين واحد مسجون له ثلاث شهور ويقسم بالله على ذلك وش موضوعه .. هذا انسرقت سيارته يوم جاء من بكرا العصر ويقابله بطريق الثمامه سيارته قدامه .. حدّ السارق ووقفه ونزل بسرعه وحصل مشاده بينهم وضرب السارق وكسر رجله ثم بلغ الشرطه !؟ الرجل الآن مسجون بسبب تعرضه بضرب السارق ! اشياء كثيره توجع القلب يعني ما يصير الى متى والوضع سايب كذا هذي قصه تشخص الوضع وإلا القصص كثيره جداً .. قبل فتره بيت العائله وهم في حي المفترض يكون امنياً جيد انسرق مرتين والحمد لله مهم فيه وظلو شهرين بالتمام كل يومين منسرق بيت واحد من الجيران ورب موسى وابراهيم ان اهل الحي اجتمعو وحددو كل يوم على احد المنازل ابنائه ينتبهون للبيوت الثانيه !؟ مو ناقص إلاّ نستعين بغوار وابو عنتر .. طيب ما عندكم امكانيه وصل التقديم على وظائف الحرس الوطني والجيش والشُرط الى اكثر من مئة الف طلب وضيفه .. ياخي وضفهم وحسس الناس بالأمان كما كنا سابقاً ، افتح وظائف على ما يسمى بالمجاهدين والعسّه منها توظف ومنها تحيط بظاهرة السرقه امنتشره بشكل مخيف جداً طبق الحد على كم حيوان اكرمكم الله من هالنوعيه وقص يده اذا ثبت تكراره يتأدب بقية الحيوانات ولكن لأننا غيّبنا الحدود واقامتها حصل ما حصل .. انشر في الصحف اسماء اي سارقين واسماء عوائلهم وهذا يحد من ظاهرة السرقه مو كل واحد يطب على الناس ببيوتهم وتنتهك المحارم ويسرق الرجل وهو بسيارته وبالشوارع .. ويصدر قرار لا تضرب السارق ولا تلمسه والا يطبق عليك القانون ! لذلك هالنوعيه وجدت الأمر جميل أسرق وأعبث وسنه تنسجن اذا مسكوك وتطلع بالعفو في رمضان يمكن .. أضف الى ذلك الواسطات بأخراجهم وتقليل المده !؟ الله المستعان بس