مشاهدة مشاركة بصفحة مستقلة
قديم 11-11-2008, 04:52   #106
عبدالله الراشد
شــاعر
 
الصورة الرمزية الخاصة بـ عبدالله الراشد
 

رد : ليـلة " البــدر" في شعبيـات ..

،،،،،



بدر بن عبدالمحسن بكبرة





لامرحبا تكفي ولا شكرا تكفي

بشرني عن صحتك اهم شي وصحة الاهل جميعهم
وعساك دايم على القوة والله يابو خالد



انت حكاية التاريخ ،،


انت القائل :

متى الشوارع تجمع اثنين صدفهـ
ليا صار شباك المواعيد مجـــفي



وانت القائل :
عطني من ايامك نهار
وباقي العمر للي تبي


انت القائل :
ضميان من مثلي من الناس يضما
وانا على احلا الــينابيع حارس




انت القائل :
ياسيد الناس كل لابس بزة
عجزت اميز مابين الخبل والصاحي



انت القائل :
الكوكب اللي تقول الناس ياصغرة
من كثر ماهو بعيد وشوفهم قاصر


انت القائل :

تقول اللي طرف عينك انا مدري هدب او عود

احس اني من اللي صابها ماشوف قدامي

همست و قلت لا تخافي على بحرالعيون السود

على شط الكحل مريت و هذا موضع اقدامي



وانت القائل:

انت عيونك هالعتيم

سبحان ربٍ خالقه

قصيدة لشاعر قديم

عاشق و محدٍ صدقه

و من كثر ما غبت عليه

جمع قصيده و شققه


وانت القائل :
المحبة أرض .. والفرقا أراضي

والزمن كله ترى لا غبت ماضي

.. والله إني ما اشوف إلا عيونك

إن رحلت اليوم أو طوّل مراضي

.. والله إني مابكيت إلا عيونك



فوق خدي كحلها والدمع فاضي

قالوا العذّال .. والعذّال مرضى

وش بـلا حالك من الأشواق قاضي !!

قلت يهجرني حبيبـي لين يرضى

علّم الظـالم ترى المظـلوم راضي

وجرّحوني في هواك وقلت أبشكي

ماهو من جرحي .. ولكن لاعتراضي

وش عليّ لو قطعوا لجلك عروقي

من رضى بالحب يرضيه التغاضي



والقائل
الحمل ماهو اللي تشيلة كتوفي
الموت لاصارت كتوفي هي الحمل




انت القائل
ياما رفيت من الليالي فتوقي
وياما عطيت وللعطا كنت الاحوج



انت كريم بالفطرة يابو خالد





سيدي
هل يكفيك حبا انني احفظ جميع قصائدك ؟؟!!!

ولدي استعداد تام ان اقولها بصوتك كذلك

ـــــــــ


انت اعطيتني الضوء الاخضر لكتابة الشعر



لازلت اتذكر وقار البياض الذي انعكس من قلبك
الى شعر وجهك



لا زلت اتذكر واتذكر واتذكر ،




سيدي

رغم ان الصمت ابلغ
عندي كلام كثير ولكن ماقصروا اللي قبلي
واللي بعدي ماراح يقصرون



لازال الطفل عبدالله الراشد يقوم من يديك





بجواري الشاعر مساعد الرشيدي
يقرئك السلام الكثير ،،




سؤالي : اليتيم
هل لك تدخل بلحن قصيدتك
اقصد هل سبق ولحنت قصيدة لك ؟؟


ممتن لك سابقا ولاحقا

،،


ـــــــــــــــــــ
ابو خالد فديتك والله يابعـدي وياحظنا فيك ( ياخي )
رغم انك بمقام والدي


الله يطول عمرك ويمدك بالصحة والعافية
يشرفني ان اضع قصيدة لي وهذا شرف كبير
يسجل لي حيا وميتا

اقسم بالله العظيم:
اني تعلمت بمدرستك ان اكـتب الشعـر
ولكني لازلت طالباً اتمتم بابجدياتك


لطفا سيدي :
اريد تعليقك على قصيدتي
لو بكلمة واحدة

لانك حصانة كافية طول العمر

دعني افتخر بك مدى الدهر



















وانا ممتن لك



ــــــــــــــــــــــ
غـيبـي عشان اشتاق،،ياطـفلة الروح
وتعــمدي من غير قـصدك ، ومـرّي

وخليني ، اشرب ضحكتك قبل ماتروح
ودرّي عـلي ّبــمعـتّــق السحـر ، درّي

وموني علي اكـثر ،، وخــليني ابــوح
وديري عـليّ بالك معـاك ،، وتـدرّي

وخليني بعـرقــك على جنب مطروح
حتي لو انه تحت جلـــــدك مقــرّي

خـلاص مـال مرايتك فيك مــصلوح
مير ان تــزينـتي ، بـعـيـني تمـري

ثغـرك( بحر شعـر) بقلم روج مـسبوح
وكحلك تبـرج بالــقـصــيد وتعـرّي

وصـدرك وسيع ـ وبابة ينام مفـتوح
وعـينك وسيعـة صدر، واحر حرّي

وصوتك يــدس الدمع والدمع ملموح
وصـمتك يخــــبّي والتنحنح يوري

وانتي هـديّه عـطرها سـربٍ يفوح
وربطة غــلافـك كنها قـفل سرّي

انتي خــفيفة ظل ولشمسك سطوح
طـلّي وشوفـيني , ماجيت وتحرّي

وان جيت لك عطشان وانفـاسي تنوح
قولي وش ابشر فية ، واقـول بالرِّي

جـرّة نِـفسك بطعمة قهـــوتي تلـوح
قصيتها ساكت ــ وحلويت مـري

صوتي خلق لـ اذنك حلق مالة قروح
وكل مـ اشهق الضيق انقطع سلك زري

وممنوعك المرغوب بعـدين مسموح
وكـانّي خـجول ، انتي بدالـي تجرّي

الله كتبك ولازم أقراك بـوضوح
وان ماحفـظـتك غـيب ـ مني تبرّي

ياترفتي وش ذنبي اعـيش مذبوح
وكانك نسيتي من ذبحـني تطرّي !

لاتوقفين بنفسي اصير مفضوح
امشي على سورالهوى واستمرّي

حلمي غدا أشهب كنه غبار في لوح
وتخـيّري مــني مـكان و تـذرّي

يامدخـل اول بيت من طلعة الروح
ان قلت قِرّي،، بالخفوق استقرّي


ــــــــــــــــــــــــــ

وسلامتك فديت بياضك

واعتذر لك على هذا التصرف
واعتذر للجميع ،،


سيدي :
قبل قريب وقبل بعيد
طوقتني بالحياة الجميلة انت







اناتقريبا مرتبك سيدي
لك خالص واصدق الحب

تلميذك


،،

التوقيع: @lonalma
twitter

اخر تعديل كان بواسطة » عبدالله الراشد في يوم » 11-11-2008 عند الساعة » 09:19.
عبدالله الراشد غير متواجد حالياً