السلام عليكم ورحمة الله وبركاته
احبة الشعر :
اجمل قصيدة في شعبيات / قوافي البوح
لشهر/نوفمبر الماضي كانت محصورة بين الشعراء :
غارم العمري / ناصر ال مداوي / محمود ال مخلص /
فالح بن سويد / عبدالله شامان / غرم البهيشي / عبدالرحمن بن عويض
وهذه القصيدة استحقت بأغلبية اصوات مشرفي قوافي البوح ان تكون :
( قصيدة الشهر )
اخايل من مزون ادهم الغيم ماطرها=على جرد قاع ٍ تشرب السيل قبل يسيل
لها اليوم عام وما ابتلّت حناجرها=تموت بضماها كل مالاح بارق ليل
وانا كل ليله وانجلت كنت ساهرها=اراقب بها عثرات قوم واصايل خيل
على كثر ماكانت تدك بمناحرها=على كثر ماصارت من العاديات تميل
سرت همهمتها تحت رحمة حوافرها=غدت كل خطوه في المسافه تعادل ميل
اطول الدروب بعين منهو مسافرها=وياوجد عين اللي بها مابقا به حيل
خطاويه من طول المسافه يصاغرها=خطاوي ذلول ٍ لاقحه بين ذود ٍ حِيل
نسمها مع الخطوات والحِمل هاجرها=نسم شيخ قوم ٍ يكتم بكاه بالمنديل
بعد ماخسر من خيرة ابله عشايرها=ولاعاد ضوّه تحتضن فايحات الهيل
على صوت نيران البنادق وثايرها=سرت بنت عمه تعتزي به وهو حلحيل
يفز ويطيح ويرجع ايفز وآخرها=لقى انه بعد ما انتخت به كسير ارجيل
الا يالبحور اللي خلت من بواخرها=قولي لي متونك ويشهي تستطيع اتشيل
انا شفت من بين الروايات ساخرها=وشفت النهايات السعيده من الدربيل
بعيده علي آحقق احلام ذاخرها=لباقي السنين اللي تبشّر بهم وويل
ياليت المحابر تنسكب في دفاترها=على شان اقول اللي بدنياي ماقد قيل
تجيني نجوم الليل واكسر خواطرها=لجل يحتويني في المتاهات نجم سهيل
على ضفّة عيون ٍ تدامع محاجرها=يبين الشفق باطرافها والسواد يزيل
لقيت الحزن سايل مطر مع عبايرها=يلين اغرقت من فايحات الزهور اكليل
ومر الجفاف قلوب ماتت مشاعرها=على قبرها مازلت في كل ليل آخيل
بروق ٍ تشق الغيم ويصب ماطرها=ويموت الشجر من بخلها عند مجرى السيل
قصيدة ( ادهم الغيم )
للرائع
عبدالله شامان
.