[قهر يزيد]

[poet font="Arial,4,burlywood,bold,normal" bkcolor="transparent" bkimage="" border="none,4,gray" type=3 line=200% align=center use=ex length=0 char="" num="0,black" filter=" shadow(color=black,direction=180) glow(color=firebrick,strength=4)"]

من وين ولـ وين ؟


من كثر شوقي لك سبقت الك الأيام
صرت الخميس وتوها الناس الاثنين
ياغمضة عيون المســا كل مانام
يبدا الفجر من ضحكة شفاهك يبين
وعيني من أشباهك لها أنفاس وأحلام
وتنبت لجفني كل ماشفتك يدين
ياكلمة ٍ ماجت على بال الأقلام
كن المحبه والوفا لك معي دين
أصبر علي بالله يافجر الإلهام
وأنا الله أعلم جيت من وين ولوين
أجيك وأنسى ظلي هناك ماقام
وأترك نظر عيني معك وآخذ العين
ياسندرلا .. والعمر سبعة أقزام
وقلبي سفينه .. والمجاديف ضلعين
فيني وله ..فيني بكا.. فيني هيام
وفيني شعور أني لوأتعب تحسين
وياحفلة الدمع بعيوني .. والأوهام
ماطرّوا المسرى ضيوفك إلى الحين
أما أحسبيها ليله أطول من العام
وإلا أكتبيها ساعه إلا أربع سنين
وأنتِ تموت بوصفك حروف وأرقام
تكوين.. لكن.. مايشابهك تكوين
وأنتِ عيونك شرك وأهدابك أصنام
وأبليس ثغرك .. بس شعرك شياطين
وأنت بلونك غابنة كل رسام
وكن القمر صورتك من غير تلوين
وأنت سحر ماحرمك دين الإسلام
دمك عطر وإلا الضيا لك... فساتين
إن قلت أحبك .. تلبس حروفي حرام
وأن قلت أبيك .. أحس للقلب رجلين
والعام جيتك .. والصدر سجن الأيتام
وقلتِ لي أصبر .. ها صبرنا .. وبعدين
واليوم من شوقي طمرت اربع أيام
وأمسيت سبت .. وأصبح الناس الأثنين


عبدالمحسن بن سعيد


[/poet]