تكدر الخاطر
السلام عليكم و رحمة الله و بركاته
مشاركة جل طموحها الوصول الى بعض رضاكم
===========================================
[poet font="Simplified Arabic,4,black,bold,normal" bkcolor="transparent" bkimage="backgrounds/19.gif" border="none,4,gray" type=0 line=200% align=center use=ex length=0 char="" num="0,black" filter=""]
تكدر الخاطر و زاد الونيني = و ضاق صدري يوم شفت الرسايل
قالت وداع و صار قلبي حزيني = و الدمع شعبٍ فوق هالخد سايل
و لي ونةٍ من سمعها ما يجيني = ينوح مثلي او يعيد الولايل
يجي لها بين الضماير حنيني = و يزيد تنهيدي على حظ مايل
و يا ليت قلبي كان قلبٍ مكيني = بدال لقلبٍ فيه صايل و جايل
و اقول للي بالهوى ما تبيني = عسى لنا في قلبها من فعايل
و ……… الها في حبي يديني = مقدر اعد افعالها و الخصايل
نشدتها و العشق صلبه يلين = هو قلبها له غيرنا من بدايل
او عندها من الحب علمٍ يقيني = هو عشقنا من بيننا له وصايل
و المغترب يا ناس ما له وزيني = يضيع قدره لوه بين القبايل
و الشعر ينبش بحر حزنٍ دفيني = و بقلب هالشاعر غدى له عمايل
و العشق دربه يا هل العشق زيني = و للحب ما بين الحبايب مثايل
يا جعل قلبٍ ما شكى الحب حيني = و التاع به بالليل و ايا القوايل
يا ربي انه عقب عزه يهيني = و يا رب يدفن تحت عظم النثايل
تمت و صلوا عالنبي الأمين = عداد طير و عد سيل المسايل
و سلامتكم جميعا
محمد الحراب 24/5/1422
[/poet]
|