[فهدالواكد]

اعزائي اهل شعبيات
مشرفين واعضاء وزوار ......
اسعد الله جميع اوقاتكم بكل خير
القصيده التاليه .. من اول ماكتبت وعسى ان تنال شيئاً من ذائقتكم الرفيعه.

افى

[poet font="Arabic Transparent,4,indigo,normal,normal" bkcolor="black" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
افى .. ياقلب لاتحزن ويشمت فيك كل عداك=اخبرك زين ياقلبي اذا ضاقت تواسيني
حبيبي لاجرح يمسح على جرحك يعرف دواك=يعرفك كثر ماعرفك .. مكانه بينك وبيني
انا بسئله قدامك وبسولف له عن اللي جاك=اعرفك تاقف بصفه .. وامانه لاتخليني
حبيبي.. وش حصل مني تعال..وقول لي دعواك=تعال وبرر واشرح .. عسى تقدر تداويني
جرحت بكلمتك قلبٍ يفز لياسمع طرياك=جرحت وكنك بجرحك انا (مجرم) تقاضيني
حبيبي..اعترف اني اموت بشوفتك واحياك=واعيشك في ذرى روحي واحسك في شراييني
صحيح انك خذيت القلب رفيق لدربك وممشاك= وصحيح اني عرفت الحب بعد ماشافتك عيني
وصحيح اني اهوجس فيك..احبك واعشقك واهواك=وصحيح انك ملكه الروح وكل العمر وسنيني
وصحيح اني اجي واروح ادّورفي ثراك خطاك=وصحيح انك تجي وتروح وكلك ماشيٍ فيني
وصحيح اني احبك زود عن اللي جابك ورباك=وصحيح اغليك اقل شوي من اللي كان يربيني
وصحيح الزين من راسك وينزل تحت الى ماطاك=وصحيح ادم خلق من طين وكنك مانت من طيني
وصحيح عيونك الحورا جرايمها سبب بلواك= صحيح اعداد ضحاياها وجرحاها ملاييني
وصحيح ردوفك وخصرك غصن لامال بك يزهاك= وصحيح رموشك سيوفٍ تخلي الجيش جيشيني
وصحيح الورد من خدك ولون الجمر خذته شفاك=وصحيح الليل من ليلٍ تفله فوق ردفيني
وصحيح ان القمر يشفق على قربك وكسب رضاك=يخاف انك تجي جنبه ويصير الليل ليليني
وصحيح الشمس لابانت تحسب حسابك وتخشاك=صحيح انه تقول اخاف يجي نوره يغطيني
وصحيح انك ضيا (جده )و(جده )وش بها لولاك=عروس البحر سموها على شانك لها اسميني
وصحيح البحر لاشافك يصفق موجه برجواك=وصحيح الشط يرقص لك على انغام ((ضميني))
وصحيح انك حسن يوسف حبيبي..جلّ من سواك=جمال الخلق في ثلثك وجمال الكون ثلثيني
صحيح وكل ماقلته ..قبل جرحي كفو يمناك=وبعد جرحي عسى قلبي يبرر لك ويرضيني
اناادري صار في صفك ونبضه اعتقد حاكاك=وعذرك لو عذرك القلب ..اشك انه يكفيني
حياه الحب عشناها وذقناها انا وياك=واذكر كيف عشناها ويدينك مع ايديني
واذا انك على عهدي انا في عهدك اتحراك=(فهــد)اسمي على مسماي ..صوّت لي وناديني
واذا انك تبي تنسى ..انا قبلك ترى انساك=اعاف اللي يعاف القلب اذا ربي معافيني






وسلامتكم



[/poet]