|
الـغـيم
لـ قلوبكم النقيّة
ودك تشوف الغيم! وشلونه الغيم؟ = الخد وادي .. والسحابة عيوني
الهم يمطر بي ويعشب ثرى الضيم = الحزن دمعي .. والهقاوي ظنوني
لا حيلتي تجدي ولا حيلي يقيم = عثرة جروحي تقصر الحظ دوني
يافرحة الساهي /على/ رقصة الريم = يا رقصة السهوه لفرحة شجوني
ياما .. حدوني اجبر القلب وأهيم = ويالوعتي .. عـ اللي لفقده حدوني
اخفي دموعي عن عيون المعازيم = وتنثره بالغصب (غمضة جفوني)
صدري يتل الروح في فيّة النيم = ونبضي يدكّ الجوف.. (ليه إدفنوني)؟!!
وجرحٍ يكرم صاحبه خير تكريم = يزف نزفه من رزايا متوني
يومي تجعد حزن واحساسي يتيم = وليلي بيذل الصبح (يمشي) بـ هـونـي
جاني و(سلسالي) على كفه يهيم = يطلب عزا روحي في (قلبه) بدوني !!
وجه الهوى يبقى وريث المقاسيم = فقير ميراثٍ \غني الطعوني
مزون المحمد 
|