[سرحان الزهراني]

،

هذا وجهي .. قبل لا يشبه أحد!
قبل لا تحكي الوجيه ..
قبل حتى ينكسر في عزلتي وابكي عليه ..
وهذا جرحي .. قبل لا ينزف واجيه
وهذا انا ..
ما فوق جرحي غير شاش
لفّيته البارح وعاش !
والله شاهد ..
كنت خايف وقتها لا يلمس جروحي العتب
لا يلتهب دمعي .. واشاطرني / الغضب !
وهالليل ابد .. مابه جديد ..
يائس , و أطرافه يباس!
ولو ضاق بي , بيروح للشارع .. نعاس

تطردني الريح يا سلمى! و يشناني
........... الحظ الاعمى , وبعض الحـظ ما شفته
يقراني البعد : "لا موطن" وعنواني :
............ حزين مقفي , وصدري ضد عاصفته !
تحتلّني عتمة الأيام.. والواني
............ تبعثـــرت في رمــــــــــادٍ صاغـــــني لفتـــــه
ماجيت لك تايهٍ / هالهم : بكّاني
........... مسكين صبري من / الدنيـــا , قد اتلفتـه
لا تعذرين الوطن , ما دام ديّاني
............ ولا تلمسين الصباح , الليل مـا عِفتـه !
قولي لغيّ المدن ماعاد ناداني؟!
............ وقولي للون الغروب الشمس مـ انصفته
لو تلمحي في ضمير الفجر وجداني
............ لا تسألـي برد ليلـي ويـــــــن عاطفتـه ؟!
أرجوك , يكفي سواد وتكفي احزاني
............ حتى قصيدي بكــــــا والحيــــن نتّفـتــــــــه
باقي سؤالٍ بروحي , يشبه اوطاني
............ يقرا عيوني , ويتوسّل وانـــــــا خفته !
بالله لو جيت لك شاعر / ووحداني
............ بموت شارع / ومحدٍ مرّ بـ ارصفته ؟!