احبتنا اسعد الله اوقاتكم بكل خير
قصيدة الشهر / لشهر فبراير / 2012م
المنافسه حصرت بين الشعراء الرائعين :
عبدالله شامان , احمد بن سارح ,مرعي ونيس ، محمد جفال ,
فهد الدقيس , ناصر ال مداوي ,عبدالعزيز الشهري ، عبدالله المالكي ، عبدالمحسن المقاطي .
..
وبأغلبية اصوات لجنة التصويت على قصائد الشهر
وهم الشعراء :
سعيد بن مقبل الأكلبي / سالم بن جلعان / علي التركي
والشاعرات :
نورة العجمي / نجلاء الشريف
والكاتبة المميزة :
الجازي
ومحبكم
محمد الدحيمي
استحقت هذه القصيدة ان تكون :
..
معي ماهو مع غيري ياوبل التوت=ثمر كنتي هطوله في بساتيني
وصفتي كلّ من يضماك بالممقوت=وانا من طيب غصنك ما وصفتيني
بعد ما كنت ارى عنواني التابوت=دفنت القبر خالي يوم جيتيني
مجيّك كان جبر لكسري المنعوت=وأدبك ورقّتك زوّادة سنيني
لفيتيني ضما مدري لفيتي قوت=يا ملحك يوم انا اكل منْك بيميني
مسحتي من عيوني دمع (فات الفوت)=رسمتي للأمل دربٍ يوديني
غفى صوت الحزن واستيقظ لْه سكوت=وصحى للفرْحه أصواتٍ تناديني
بعد ما كنت انا عقاب وظلامي نوت=شرقتي نبض وانقذتي شراييني
خفوقك طيبته سحرٍ وهو هاروت=وانا المسحور من ماطاي ليديني
حنانك كسّر ضلوعي وهو مشتوت=أجل لو هو تلملم كان يدميني؟
شتاء ولا معي في الليل لو هو كوت=وكنتي في المسا شمسٍ تدفّيني
فقير وبين هالعالم قليل بخوت=وصرتي حظي الجمّ وملاييني
بغيت خْيام صرتي لي فلل وبيوت=طلبت جْوار جيتي مني وفيني
معك تحيا السعاده والهموم تموت=ولا به لحظه مْن الفرح تعفيني
بعد ذا.. ترفضين اني أحبك موت=ولا حتى أحطك في طرف عيني
سألتك باللي محلّيك شكل وصوت=لو انك في مكاني.. ما تحبيني؟
للرائع
ناصر ال مداوي