قبل اصبح عليكم خلوني اطلع اللي مضيق صدري من الظهر لحد الحين
.
.
.
اليوم الظهر مثل العادة ادخل النت بس بشكل مختصر يعني اشوف الايميل وامر على المواقع اللي مشترك فيها يمكن احد يبيني والا شي
وكان فيه موقع منزل فيه مشاركة اليوم الفجر ( يوم الثلاثاء الساعة 5 الفجر ) وقلت اشوف تفاعل الاعضاء الظهر لا دخلت المهم لما جيت اشوف هل فيه تفاعل من الاعضاء على المشاركة ما حصلت المشاركة
غمضت عيوني كم مرة وفتحتهم يمكن اشوف زين لكن مال لقيت شي
بصراحة قلبي صار يعورني من جد وين راحت مشاركتي؟؟؟
جلست ربع ساعة ادور بالمنتدى اللي نزلته فيه المشاركة وفوق هذا دخلت كل المشاركات يمكن اندمجت والا شي لكن ما لقيت شي...
حزنت وجاني احباط لاني توني مشترك بالموقع وهذي اولالتها عااااد الله يستر من تاليها
قبل اطلع من القهر شفت مشاركتي بمنتدى ثاني بس هذا المنتدى خاص بمشاركات المنقولة
انا وش دخل مشاركتي هنا والله كاتبها انا بنفسي وما نقلتها
ارسلت رسالة خاصة للمشرفة على منتدى الادب وقلت لها ليش تحطين مشاركتي في المنتدى الفلاني
والله ياختي انا اللي كتب هذي المشاركة ردت على وقالت: انا شفت هذي المشاركة من اسبوع في منتدى ثاني ومو باسمك؟؟؟؟؟؟؟
شرحت لها الوضع وعطيتها ادلة وبراهين تثبت ان هذي المشاركة لي لما تاكدت من صحة كلامي قالت آسفه اخوي اعذرني
وقالت بعد اخوي ترى فيه مشاركة ثانية لك حصلتها بموقع من قبل بس اعذرني ما اتذكره وما عند الا رابط المشاركة الاولى اللي تاكدت انك انت صاحبها...
ياااااااااااااااااااااه ياني تالمت كثير وانا اثبت للمشرفة ان هذي المشاركة لي والله بغيت ابكي
.
.
.
رحت للموقع اللي فيه مشاركتي باسم ثاني لما شفت الموضوع قلت حسبي الله ونعم الوكيل والمصيبة ان اللي سارق مشاركتي بنت
بصراحة احترت وش اسوي مع هالبنت اسجل بالموقع وامرمطها او اكلم كم زميل يدمرون لها كل ايميل لها او وش اسوي تدرون لحد الان مدري وش اسوي ابيكم انتم تقولون لي وش اسوي
اللي يقهر زود انها بعد ما سرقت مشاركتي كتبت في نهاية الموضوع ( وسلاااااامتكم ) يا جعل ما يسلم فيك عظم قولي آمين... استغفر الله... ربي وكلت امري اليك سبحانك...
.
.
.
هذي عنوان المشاركة الاولى اللي سارقتها البنت مني...
http://www.sh3byat.com/vb/showthread.php?t=11830
هنا بوجه رسالة للي وصفني بـ ( لون الغيم ):
تذكر هذي المشاركة
انت الوحيد اللي اول ما شافها في ذاك الموقع
تكفى لا تخلي زعلك مني يؤثر بحقيقة ان هذي المشاركة لي
تسمعني
ابتسم ترى الدنيا ما تسوى
كن بخير
.
.
.
هذا رابط المشاركة الثانية اللي لسه ما حصلت سارقها يا حلاله على مسكته بس
http://www.sh3byat.com/vb/showpost.p...postcount=1229
هذي المشاركة اول ما نزلتها كان في شعبيات وقتها اذكر احدالاعضاء ارسل لي رسالة خاصة ويقول ليش ما نزلت مشاركتك بمواسم عشان نقدر نعلق عليها لانها زينه...
تدرون مين هذا العضو
اقول اسمك
لا خليه سر
.
.
.
قولوي انتم لو في مكاني وش تسون وبعدين مين ممكن يحفظ حقوقنا الادبية على الانترنت؟؟؟
انتظر اجاباتكم...
.
.
.
والله خاطري لسه متكدر من اللي صار
.
.
.
الله على الظالم...
.
.
.
اخيرا اقول لكم صباحكم سكر