سلطنة فكر او .. لا.. هالفكر سلطنه =بين مابين بين وبين ما لا يبين
يعني اذا جت كذا جت كذا فرعنه=بين صدر الحنين وبين لا للحنين
قرصنة فكر واعني لى بدى القرصنه= يستهين الصعيب ولا يمر الهوين
ملعنه وان بغاها لى لفى ملعنه=صيده من السمين الى انتخى للسمين
دندنة عود صدره لى بدى الدندنه=بين يا عين ليل وبين يا ليل عين
شاعر مايحسب لاختلاف ازمنه=ماترك حين حين ولو يحل الونين
لى علا خيل شعره يقضب الارسنه=والهزيله ان جت له قال لا لا تجين
فرعنة فكر شاعر فوقها سلطنه=لى بداها تجيله مهرته بالرزين
دام حصن النشاما بالزمان السنه=يا تبين بكلامك او لا لاتبين
دام عند النشاما الالسنه احصنه=مالي بقول غيري لو يجي قول شين
هيجنه لى طربنا نلتهي بهيجنه=وان صعق راس فينا مالنا الا المتين
كل حر لمصيره دايم بديدنه=واخر الدين دين وسدد الفكر دين
من يحط النشاما دايما بأيمنه=مايحسب عسير ولا يحسب لعين
لى زمى الموج ايسر يحمي الميمنه=لين ترجح يمينه كفة اهل اليمين