[ولهان-1]

أمــانه يالشتاء ..دامك قريب ولك بصدري باب
..........رفض كل الفصول ولا رضى غير انت (مفتاحه)
أمــانه دامني ماني على خبرك (دفا واحباب )
..........تريث ..لين أشب اللي بقى من كلمة الراحه
مدام ان الجفــأ ليله طويل ..وليلك انت رحاب
..........لقى وجه السهر فيها..زراق الدمع مصباحه
دخيلك والظما..يجتاحني ..لا لاحوا الغيّـــاب
..........وأخاف اسقيك من حزن الظما وتموت بجراحه
دخيلك ..هدني للريــــح ...لامن ضاقت الاسباب
..........عساي القى لقــلبي مع مهب الريح ذباحه
تعب ..صوت الجروح اللي ملى هذا المكان عتــاب
..........تعب كف القصيد ..ولابقى من هم ماباحه!!
وانا ياصاحبي ..من شفتني ..في دمعتي ..كــذاب!
........دريت انك بعيد أبعد من الخفاق لأ فراحه!
وأمانه يالشتاء ..دامك على حزني تهج ابواب !!
..........تريث لين أعيش اللي بقى من كلمة الراحه


شاعرنا القادم محمد الحويماني
00
ياهلا وغلا
وهذي الساعه المباركه طال عمرك
وتشرفنا بهالاطلاله الجميله
00
قصيدة في غاية العذوبه
وقصيدة تبرهن حضور شاعر
من طراز كبير ونادر
قصيدة واثقه لشاعر نستمتع بعذوبته
صح لسانك وبيض الله وجهك
وهلابك يالغالي