وش يا زمن باقي من الظلم مخزون
وش يا قدر تستر لنا فى الجيوبي
يبكي من الغبنات ويونّ محزون
يهلّ ويهلّ السحاب الصبوبي
عن الشرف من دافع اليوم مسجون
مضيوم محروم الملا والهبوبي
لولا القهر مادمع عينيه يجرون
ولولا الكسر ماونّ ونّة قنوبي
من دون عرض الحُرّ فرد ومسنون
وعرض الفتى ماشيّ عنّه ينوبي
هو جاهه و ماله والاقراب والعون
وهو عزّه و فخره ودرع الجنوبي
وصّى بحفظه دين الاسلام من دون
شكٍ وريبٍ وان دعت للحروبي
ورث الجدود لجيل واجيال بيجون
ومحمّدٍ كفـّى ولوى بالكروبي
يمناه يمنى الدين واسياد فى الكون
شيخ ٍ بمنطوقه شجاع ٍ ذروبي
مسجون من خمسة عشر عام مشجون
يشكي على ربّه ظلام الدروبي
ينعت يا (ابو متعب) وناعتـْك مايهون
حَلّ القيود و فـَكّ كثر النشوبي
أنا المعاق اللي خـِلق حيلى بوهون
محمّد بن القحص ما ادري دروبي؟
بيني وبين العزّ عهد ومصيون
ببقى كذا والصبر لا عزّروبي