[نوف الثنيان]

بانتظاركْ ..
تكتبين وتشطبين
تبعدين وتقربين ..!
تعرفيني قلب شاعرْ ...!
أكبر ذنوبه ( حنين )
يا قويّة ..!
هقوتك ..( راحتْ عليّة )..؟!
السما زرقا وأحلامي مدينة ...!
وش بيديّة ...!
لو اقول ان الحكايا كلها صارت حزينة ..!
لو اقول انك عطيتيني واخذتي ماعطيتي
لو اقول انك تذكرتي ونسيتي ...!
يمكن أوصل بك سكينة ...!
ياقوية .. ياقوية ..
آه ياطول المسافة .. بين ( حزني ) والهدايا المخملية ...!
من حنيني .. من يقيني واحتسابي ..
اعتذر عنْك لعتابي ..!
واشتكي ضعفي لظلي ..
ولاحلفت انك بريئة وماتعمّدتي عذابي ...!
صدّق الحلفان ( كلّي ) ..!
بانتظارك ..
لايهمّكْ .. كل تاريخي اختياركْ ..!
.
.
.

بانتظارك ...
يمكن إني لالقيتك .. أمسك اطراف السحابة في يديني ...!
يمكن إني لا اصطفيتك ..
أعترفْ للريح والأشجار والدنيا بعيني
( الليالي .. لاخذتْ مني اتعَطيني )
آه يا أجمل فصول الحلم .. يا جنّة حنيني ...!
هو صحيح انك زرعتي نخلتين وسيف في جبهة سنيني ...!؟
بانتظاركْ ...
سكة أيامي زحامْ ...
ولهفة أنفاسي زكامْ ...
وآخر الشارع جبيني ...!

قرّبيني ...
خطوتك تعشب تحتنا الأرض .. والكاس القديم
اللي على الماصة سحابة ...!
يوم هبيتي عليها .. أمطرت شوق ومهابةْ ..!
ياطهارة جدي اللي مات .. وأمي والصحابة ..
ياحبيبة كل شيء
ياقريبة كل حي
آه لو تدرين وش معنى انتظارك ...
يعني اني صرت يوسفْ ..!
وانّ شمس الله والقمرا .. وكله باختيارك
يسجدون الحين في أوّل محطة في مداركْ ..!
.
.
.
.
ياله من إنتظار ممتع .. حين تشحن المواقف الشاعر لـ يجسدها بخياله رؤى ..
سـ أخالف البعض وأردد هنا .. أعذب الشعر أصدقه ..
صور شعرية .. تجمع البصر والبصيرة ..
نور العين / نور القلب ..
نبصر المواقف ونراها لـ تشجينا بأحاسيسها وشجنها ..
ونتبصرونتأمل وندرك ونحلل لـ تشخيصها ونتفاعل معها بكل صدق ..
الحرفنه هنا حين يمسك الشاعر بزمام القلب ..
ملقياً كل متاعب الحب على اعتاب إنتظاره .. ويهدي أجمل فصول الحلم ..
لتتويجه جنّة حنين ..

إبراهيم ..
نصوص مدهشة سالت جداولها عذوبة وصفاء ..
بكل أدوات الشعر المسخّرة لك .. بتطويعك وترويضك لها ..
لغة .. سلسلة / شفافة / رقراقة
هكذا حال المبدع .. !!
يبدع من السهل الممتنع .. ما يشكّل وجدان القارىء وفكره .. !
لك الإعجاب كله ..