يا جدة , همّ مجداف الشعر صاغك أفـق بحـار! = على آخر لحن لمّة حنيـن الـبَـوت لـ اصحابـي
يا جدة , صار يتنرجس عبير الليل فـي المحـار = تصحّين النوارس | والشجن | في سهرة أحبابي!
وحيد الليلة .. أغسل ذكرياتي , وانشر الأسـرار = تواقيع فـجبين الليـل , عتمـة درب لـ اتعابـي
غريب .. ادري غريب وكل هالدنيا صوَر تذكـار = أمشّط أرصفة هـالتيه | تثمـل ريحـة | ابوابـي
أدوّر صعلكة: عبدالعزيز | وما معـي .. اخبـار ! = سوى همٍ لعب فيني .. وتاه بغصّـة / اهدابـي !
ولا مشوار ياخذني معه ويّـاه فـي | مشـوار ؟! = يسولف لي عن الأصداف .. لا نامت على ترابي
يصفّف لي حديث الشطّ | صمت الأشرعة | وانوار = تباغت كرنفال المعمعة | نضحـك علـى اسبابـي
كبر هالليل | واحزاني | نمت , في خاطري أنهار = تهافت بي فراغات المواني ريح واصحـى بـي !
مثل حزني .. وقف شبّاك هـالشارع بدون ازرار = يخيّط للوجوه | اسباب مـن شـكٍ تهقـوى بـي
مثل هذي السّوالف .. تنحني في نظرتي : أسفار = ألوّني بُكا غربة | سهـر فـي فهـرس | كتابـي
أعرّي الصبح من عصفور , أبيع التبغ للسمّار ! = لأنّي مؤمن بـبكرا , تركت المـوت لـ| ثيابـي
أدوّر ريق يبلعني , ولكن صـار لـي مـا صـار = على غفلة .. كتبني الليل فجر وقلت له ما بـي !