|
رد : و طقوس ,
يا نظرتك !
يااهي تلقني السكوت ,
وتقطع اعناق الكلام ..
وتكسي مداهيلي مطار وامتعه ..
في رحلة ٍ ما تحمل الا تايهين ..
ياااهي تعلمني قبل ميلاد موتي كيف اموت ؟
وافهم حياة الميتين ..
ياا نظرتك من يوم طشت بحرها ,,
أصبح مواني من رياح ثايره من غير صوت ..
واصبح قوارب واشرعه ..
وأمسي حزين ,,
وتقولي اني في سعه ؟
من قلك اني في سعه ؟؟
سنين , أرتب دهشتي .
سنين ,ارتب غربتي .
واحط عمري وأرفعه !
قدامي يموت الامل وانا أشوفه واسمعه ..
سنييين أرتب هالسنين ..
الضايعه مني ولا أدري وينها ؟
من هي معه ؟
,
,
,
الله يعين
مثل السجين
اللي يرتب موضعه !
|