[صالح العبدالكريم]

.

.

.

.



عندما تكـتسي الوجوه ملامح واحده فقط
يكون الهروب من كل شيء .. مخافة إطلاق نظره وذكريـات ..!

عجبي من العشق نَـْفـسهُ قصير وعـُـمرهُ مخـلـّد
لن يبرح القلب ما دامت السماء نـظـِره وفي الأرض مـُـتـّسع .!؟







مــدري خيال اللـّي حـصل ولاّ حقيقـه غايبـه

........ أنـّي أشوف الكـون يعـكـِس صورة أشباهك عليك




يا فاتـنه والحسن يومـه شاف عيني رايبـه

........ بالدمع من فيـض العشق وقـّف يشاورلك أبيـك




دام المشاعر كـلـّها بشـفاك صـارت ذايـبه

........ وشـلون أبستـر هالغلا..وأسكت..وشوقي يحتريك؟




أقصر معانيـك اللقـا وأطول حدودي سايبه

........ وأوضح تفاكـير المـسا أنفاس ملــّت تـهـتديك



شفتـك مسافه والفضا رحب وحظوظي خايبه

......... وأقسى تـجاعيـد السهر كذبه تـحِـس أحيان فيك




كن الخـطاوي لغـير دربك من أثرها تايـبه

......... وكن العـُمر أوراق صفراء هزّت أغـصانه يـديك




توّي بقول إن المدى مـُبصِر وكفـّي عايـبه

......... وأخيط فم الليل والعـب لعـبة تجـيني أجيـك !




أثر المواجه عـشق وظـروف المواجه نايبه

......... وما بيـنهن حلـم ٍ رسمك ولو تهيا له نـسيـك




تتوقعين اللي جرْحه الشوف عـينه طـايبه

......... دامه إلى ضم الهدب فوق الهـدب ما يحـتويك




شـ عاد لو صرت التمس عذرك وأنا اللي جايبه

......... أو أمحي وجَْودك وأخـلّي عـِرق فيني يرتـجيك




الموت حق.. ويخـتـلف صِدقه : وكِلاٍ هايـبه

......... لوّك خـذيتي سكرتـه مِـنـّي جبرتـه يفـتـديك !



سجـّيـت عن وجهي وأنا متأكد إنـّك غايـبه

........ وردّيت لـه وآنـا مشكـّك..وأسألك إنتي هـذيك !؟

















خروج


لم يتبقى من الملامح ما لا يـُشبـِـهُـك
وإن طال الامـد " ...... " !