شعبيات - مشاهدة مشاركة بصفحة مستقلة

صالح العبدالكريم · 27-11-2005, 21:30

لست أدري ما اذا كان هناك شهود آخرون
عندما حاولت أن ارمي من يدي " نظره " ..
سقطت أصابعي على الأرض .!. تركتها ملقاه .. ورحلت .

سأتخطى بعض الشواهد :
لأقول لن يحدث شيء ً لو قمت ذات صباح
و وجدت احدى عينيك .. فارغه من الداخل .. لا تقلق ابداً
فقد تكون علقت بحلم ٍ ما وصحوت وهي باقيه معه !
سوف تعود لك .. بكل تأكيد .

ولكن بماذا تعود ؟

[ .. صاحـ....بي ] !

جيتني هالحين .. تدري
كلّي من الأشواق هالك
يقطر عرق قلبي : تعب
لا تقول لي سهلك : صعب

ملّيت أدورني معي
والقاك جايبني لحالك

يا ساكن ٍ بين الحنايا
شوف وشلون السنين تغيّر نفوس البشر
شوف نفوس البشر وشلون تغيّر هالسنين ؟
ما يهم من غيّر الثاني
عمرك سمعت بأعترافات الجسد
وإن الخطا ماهو اناني ..!

كم لي :

وانا ابري هالقلم .. للكحل ..
وأرسم به عيون

كم لي :

وانا اشرق بالعسل .. للنحل ..
وتقرصني الضنون !

واوقف وانا حيلي ضعيف
لو كنت عاري بس نظيف
واقول :
يالله ما بقى
من العمر كثر اللي مضى
وشعاد لو صارت فصولك يا القلم
كلّه خريف ..!

[ .. صاحـ....بي ] !

مرّيت شفت الوقت فاضي
قلت يمكن أشغله !؟
جيت له .. والحزن قاضي ..
لو تدفـّه بس : طاح
لو تعصره شوي : صاح
ما مداني اسأله :
هو بقى للقلب ماضي .

قام وهز راسه و تنهّد
وشال ايامه .. ورااااح ..!

قبل أمس
وانت ادرى بأمس
وما تعـْرف اللّي قبل

يوم إنطعن ظلّي بشمس
ما قلت له : منهو طعنك
أو ما تبي أشيل عنك
خلّه جزاه إنـّه معي
لو يرتفع صوته يهمس
باقي من .. حباله : حبل .. !!

بسكت ولو دمّه يسيل
لو خطوته قامت تميل
وابل حلقه بالسراب
وانا ادري انه ما يبل ..!؟

[ .. صاحـ....بي ] !

جيتني هالحين : بدري !!!
لاحظ بها صيغة تعجّب
دامي ادري بك توجّب
والنظر يعميه قدري
والمدى سكّه طويله
إنفظت عنـّا شليله
كنها : ثار بــدوي
ما برد لحظه غليله
( وفرّغ حلوفه ) بـ صدري ..!

جيتني هالحين .. مدري
بس اتحسس حروفك
تشبه ظروفي ظروفك
وآخر المشوار صفحه
لو تغافلته تشوفك

ما إنبنى حلم الليالي :
إلا بيدّين السهـر
والحين شوفه ما يبالي
طقة عروقه قهر

وأحذره
إنكتم لون السواد
ومْل يمسح وجنته
ويخط بأصباعه طيوفه

وأعذره
إنتظر وقت الحصاد
يومه اسقى نبتته
ما طلع له غير خوفه

والحنين اللي كلاه الوقت
لو طوّل يهذري
ما لقى اللّي يسمعه
غير خل ٍ لا نساه
قال خلوني معه
" إنقطع بذره و بذري " ..!!؟

[ .. صاحـ....بي ] !

طقـّيت فخذ الوقت حرّه
كنت متحسف علي
وإن كان يعنيك الصحيح
كنت ضايق مرّه مرّه
من الألم ماني خلي
يا كثر ما وقفت أحلم
وآخر الوقفه اطيح

عمرك سمعت :

إن الشوارع بعضها ياكل بعض !

عمرك سمعت :

إن الأصابع ينبت لها سنون وتعض !

أدري ولا عمرك سمعت

لانك إذا ضاقت بعينك : دنيتك
تجهز شناط الكلام
والتذكره : برد و سلام
وإقفايتك ببساط ريح ..!

تبغى الحقيقه

مدري وربي وش ( بقول ) !!
تراي حالف ؟
والله ما عدت آتذكر
حتى باب العقل سكّر

لا تقول ما يخالف
فكّر وخلني أفكّر
كنا نحكي بالهموم
ايه نحكي بالهموم
ليه إذا جتنا دخيله
تنتقي الصدر الكتوم
ولا عبثت به
وكسّفت به
راحت لغيره تشكّر ..!!؟

اخاف نظلمها حرام
يمكن تحب السوالف
يومها عجزت تنوم ...,..!

27-11-2005, 21:30	#1
صالح العبدالكريم شاعر	[ .. صاحـ....بي ] ! لست أدري ما اذا كان هناك شهود آخرون عندما حاولت أن ارمي من يدي " نظره " .. سقطت أصابعي على الأرض .!. تركتها ملقاه .. ورحلت . سأتخطى بعض الشواهد : لأقول لن يحدث شيء ً لو قمت ذات صباح و وجدت احدى عينيك .. فارغه من الداخل .. لا تقلق ابداً فقد تكون علقت بحلم ٍ ما وصحوت وهي باقيه معه ! سوف تعود لك .. بكل تأكيد . ولكن بماذا تعود ؟ [ .. صاحـ....بي ] ! جيتني هالحين .. تدري كلّي من الأشواق هالك يقطر عرق قلبي : تعب لا تقول لي سهلك : صعب ملّيت أدورني معي والقاك جايبني لحالك يا ساكن ٍ بين الحنايا شوف وشلون السنين تغيّر نفوس البشر شوف نفوس البشر وشلون تغيّر هالسنين ؟ ما يهم من غيّر الثاني عمرك سمعت بأعترافات الجسد وإن الخطا ماهو اناني ..! كم لي : وانا ابري هالقلم .. للكحل .. وأرسم به عيون كم لي : وانا اشرق بالعسل .. للنحل .. وتقرصني الضنون ! واوقف وانا حيلي ضعيف لو كنت عاري بس نظيف واقول : يالله ما بقى من العمر كثر اللي مضى وشعاد لو صارت فصولك يا القلم كلّه خريف ..! [ .. صاحـ....بي ] ! مرّيت شفت الوقت فاضي قلت يمكن أشغله !؟ جيت له .. والحزن قاضي .. لو تدفـّه بس : طاح لو تعصره شوي : صاح ما مداني اسأله : هو بقى للقلب ماضي . قام وهز راسه و تنهّد وشال ايامه .. ورااااح ..! قبل أمس وانت ادرى بأمس وما تعـْرف اللّي قبل يوم إنطعن ظلّي بشمس ما قلت له : منهو طعنك أو ما تبي أشيل عنك خلّه جزاه إنـّه معي لو يرتفع صوته يهمس باقي من .. حباله : حبل .. !! بسكت ولو دمّه يسيل لو خطوته قامت تميل وابل حلقه بالسراب وانا ادري انه ما يبل ..!؟ [ .. صاحـ....بي ] ! جيتني هالحين : بدري !!! لاحظ بها صيغة تعجّب دامي ادري بك توجّب والنظر يعميه قدري والمدى سكّه طويله إنفظت عنـّا شليله كنها : ثار بــدوي ما برد لحظه غليله ( وفرّغ حلوفه ) بـ صدري ..! جيتني هالحين .. مدري بس اتحسس حروفك تشبه ظروفي ظروفك وآخر المشوار صفحه لو تغافلته تشوفك ما إنبنى حلم الليالي : إلا بيدّين السهـر والحين شوفه ما يبالي طقة عروقه قهر وأحذره إنكتم لون السواد ومْل يمسح وجنته ويخط بأصباعه طيوفه وأعذره إنتظر وقت الحصاد يومه اسقى نبتته ما طلع له غير خوفه والحنين اللي كلاه الوقت لو طوّل يهذري ما لقى اللّي يسمعه غير خل ٍ لا نساه قال خلوني معه " إنقطع بذره و بذري " ..!!؟ [ .. صاحـ....بي ] ! طقـّيت فخذ الوقت حرّه كنت متحسف علي وإن كان يعنيك الصحيح كنت ضايق مرّه مرّه من الألم ماني خلي يا كثر ما وقفت أحلم وآخر الوقفه اطيح عمرك سمعت : إن الشوارع بعضها ياكل بعض ! عمرك سمعت : إن الأصابع ينبت لها سنون وتعض ! أدري ولا عمرك سمعت لانك إذا ضاقت بعينك : دنيتك تجهز شناط الكلام والتذكره : برد و سلام وإقفايتك ببساط ريح ..! تبغى الحقيقه مدري وربي وش ( بقول ) !! تراي حالف ؟ والله ما عدت آتذكر حتى باب العقل سكّر لا تقول ما يخالف فكّر وخلني أفكّر كنا نحكي بالهموم ايه نحكي بالهموم ليه إذا جتنا دخيله تنتقي الصدر الكتوم ولا عبثت به وكسّفت به راحت لغيره تشكّر ..!!؟ اخاف نظلمها حرام يمكن تحب السوالف يومها عجزت تنوم ...,..! اخر تعديل كان بواسطة » صالح العبدالكريم في يوم » 27-11-2005 عند الساعة » 21:57.