[احلى سوسو]

الرسالة الأصلية كتبت بواسطة عســاف

آآهـ يااحلى سوسو

ذكرتينا بأبو راكان يا زينه ويا زين أيامه



تاريخ كبير و عطاء متواصل طوال 30 سنه الله لا يضره .. له في القلب مكانه كبيره والله

ذكرتيني بأيام الطفولة و برنامج حروف و ذكرتيني بنشرات الأخبار و أخبار العالم في أسبوع و ابناؤنا في الخارج وبرنامج سعودي

أسرني بصوته الرخيم و إلقائه و نطقه السليم .. فحببني بلغة الضاد و أعطاها رونق خاص (( قريت انه قال عنه أحد الاعلاميين انه لم يلحن و لم يتعتع طوال الثلاثين سنه ))

أتذكر برنامج ابناؤنا في الخارج والقائه المؤثر خصوصا في بيت الشعر اللي يلقيه في بداية البرنامج ..
العين بعد فراقها الوطنا .. لا ساكنا ألفت ولا سكنا (( يرن فاذني للحين كني توني اسمعه ))

والا برنامجه الشعري الاخير - الظاهر اسمه سحر النسيم - كان رائع رائع

و غيره وغيره من البرامج .. والآن بعد غيابه عنا بسبب المرض من عدة سنوات ما سمعنا ولا حتى اقامة تكريم لأبوراكان كعربون تحيه وشكر على اللي قدمه للتلفزيون السعودي طوال ثلاث عقود .. والا لازم الواحد ما يكرم الا بعد ما يرحل عن الدنيا ..!!

المهم احس اني بربرت واجد يالله مانلاه وما قصرتي يـ أحلى سوسو

^
^
عساف هلا بك
.
.شكلك من الجيل الي يعرف أستاذنا ماجد الشبل زين وشكلك تقدره وتحترمه كيف لا ؟؟وهو كما قلت يذكرنا بطفولتنا ..
.
.
30 سنه من العطاء تمثل تاريخ وعمر وكفاح ونجاح ..الله يعافي أبوراكان يارب
.
.
عساف ..هلا بك ..وياليت دايم نشوف بربراتك
.
.
تحياتي ..