|
يــــا قصيدي..
جيتني كنّـــك الغيمه بعــين بدوي
يوم هلت جــرح بطن الوطا سيلها
جيت تطوي مسافات المفارق طوي
مثل بدوٍ طــــوت طول البطا خيلها
والله إنك على طـول المدى لي خوي
وإنت صبــري بهالدنيا على ميلها
ايه أنا الظامي اللي منك أبد ماروي
إسقني طـــف لوعـــة روحي وويلها
نار حبّـك كوتني فـــي خفوقي كوي
ومهرة الشوق تجمح لك على حيلها
الغـــلا بالمواصل والأمــــل يســتـوي
وظلمتــك أشـــعـــل سنيني قناديلها
حاســـدي فـي متاهات الظلام يهوي
والمتاهه عــلـــى طــــول المـــدى ليلها
أسمع البارحــه ذيـــب الشمال يعوي
هــاب ضــو المدينه خــاف يسري لها
يا قصيدي وإذا مـــا جيت شعرٍ قوي
ويــش أبـــي بالقصايد بـــه وتدليلها
جيتني شوق لا لا جيـت عشق بدوي
عـثــرتــك غــالــيـه مــجــبــور أغنيلها
عدوان المنديل السرحاني
الجوف..
|