[عثمان العبدالله]

[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
داخلي بركان من كثر القهـر = يخفي الألام في قلب كســير
في صراعه عايش طول العمر = مبدأه واضح على المبدأ يســير
مؤمن بالله لو حظــه عثـر = في زمان الذل لا دين وضميـر
لغير ربه ما خضع يوم لبشر = صعب يحني الرأس لو يخسر كثير
قانع بالـرزق ان قل وكثـر = مبدأه إسلام في دربه يسيـــر
يرفض التطبيع لو تاه ببحـر = في زمان ،الفلس لابليسه أسيــر
سيّر العالم على كيفه بقــر = حالب ومحلوب والخافي خطيــر
عارف عمره ولو طال وقصر = النهاية واضحه برد وسعيــــر
داخلي إيمان يحكمني بفخـر = ما حكمني إبليس لو وقتي عسير
طايع الرحمن في نهي وأمـر = خالق الإنسان من شيء حقيــر
وطايع خير البشر مهما أمـر = ومهما كان النهي ذا دربي أسير
أنشي الأجيال وآخذ بالحـذر = وأغرس الآمال في طفلي الصغير
كود بعدي يفتهم يرمي حجـر= يعكر التيار في الوحل الكبيـــر
عل بعض الناس يقرا للخبـر = ينتبه للأمر في فعـل يســـير
يعرف أن الوضع دحدر وانحدر = كل واحد ما درى وينه يســير
وضعنا يا ناس لو كنا بشــر = يفهمه مختل عقله، لو صغيـــر
كلنا عايش خيال أو صــور = ميتين بدون روح أو ضميـــر
ما نفكر بماضي كله عبـــر = ما نفكر حاضر زيف تخـــدير
ما نفكر قادم كله خطـــــر = ينسف الحاضر ولا ندري المصير
يا هل التوحيد من بحر لبحـر = يا هل البترول والثوب الحريــر
اكتفوا بالنوم شوفوا بالنظـر = وضعكم اخطر ولا منه مطيــر
ارجعوا لله تلقون الظفــــر = من خلق هالكون في خلقه خبيـر
اركعوا لله لا تحنوا ظهـــر = لأي مخلوق ولو شأنه كبيـــر
ضعفنا واضح واقول بلا حــذر = تحت صفر الصفر في وضع خطير
كلنا محكوم والواقع قهــــر = تحت رآية سام ما نقدر نطيـــر

[/poet]