[أحمدعلي الويمني]

السلام عليكم كل عام وانتم بخير رغم المسافة بين أول لقا وآخر زيارة اخذني الحنين لشعبيات وهنا اطرح بين يديكم شي من البساطه على امل ان اظفر بشيء من رضاكم


البارحة برد الشتا والاعاصير:اول فصول الليل واخرصوابه

قيضه دليل اخوان يوسف من العير:مرت ولم ترضي الكفيف باجابه

عداالربيع ويزهر الصبر تاخير:على انتظار العاشقين الغلابه

واتلا فصول الليل في الثلث الاخير :تتساقط غصون الخريف وثيابه

الصبح ضحك اطفال والليل ازارير:يقفل تلابيب السهر والكتابه

وانا انتظر همي على قارعة خير:مرو مسايير الطهر والجنابه

احساس ينشدني ليستيقظ الطير:واحساس ياويني لحضرة جنابه

ياطيح قلبي طيحة الدلو في البير:واحزاني احزان المطول غيابه

اليا انجبرساقي على سكة السير:واسفارها عرج وعصاة واصابه

لويثمر الدخان ياعود الاكسير:احرقت لك فاسٍ وحطّبت غابه

شعوري المغدق نبوغ وتعابير:والهاجس الفارع جلال ومهابة

عن سكّره مهما تدر المغاتير:مشهاة كبدي مالي الاشرابه

اذا وقف محراب يصعد تكابير:واذا انحدر وبل تعلا سحابه

يُجيد مليء الذائقة بالمباهير:واذابة الاشياء وهي مذابه

فيروز صوتي عن صباح العصافير؛وكتابتي عنهم منابر خطابه

اقيم فيهم الف عيد وشكسبير:وارشدهم الى بردتين وانابه

تدعو لشاعر غير من عالمن غير:أن آمنو بي واكفروا بالربابه

امااتبعوني بالحقايق مغاوير:والا اصطفيت انصار شعر وصحابه

ياهل السهر مرو بعيني تباشير:بكرة له احساب وعلى الله حسابه

خلوني اخذكم معي ودي آطير:عن مغتصب جرحي وريحة ترابه

عن سكرة الملهى وعن رقصة الزير:وعن متجر الانثى وقضبان بابه

هنا اتركوني تحتويني المقادير:من قبل تأنيب المشيب وشبابه

محتاج لاقصى الوعي يصنع جماهير:شعلة ادب ماهم ب شلة عصابه

محتاج لعقول المخاليق تحرير:في عالمن يرى التطور معابه

من جوع امانينا شبعنا اساطير:نستل من رحم الغرابه غرابه

احتاج لابعاد الخرافة تفاسير:عن جوهرة لفعى وكبريت نابه

ياهل السهر كل الليالي معاسير:محتاج وقتن ماتكسر حرابه

احتاجني ماني بحاجة مشاهير:فقاعة الاعلام تنبت كآبه

واحتاج حتى للأباليس تغيير:يمكن شياطين الأوادم تشابه

هذاالشفق وانا وكل التدابير:قبل الشتا يحني علينا قبابه

احمد الويمني