اخوي الحبيب :نواف الشمري......................الله يعطيك الف عافيه يابعدي .
ابونوت مثل ماقال ابوعبيد .
كبيرنا اللذي علمنا الشعر ,
ياطيـر مالـك والمسابيـق واللـوح
واللي الـى منـك تنكـرت صاحـي
رف الجناح وبعد الشـوف والشـوح
وحوم على العارض عزيزالضواحـي
وسلم على الجراح بلسـان مجـروح
وقلـه تـراه مـن الخطيـه مباحـي
وقله ترى صبره مـن الوجدمشحـوح
عود تراه ان طـول الهجـر راحـي
وقله رقيـت بـراس رجـمٍ بلحلـوح
ولقيت رجمـي والطمـان متواحـي
وقله مهيضني علـى السـدره النـوح
مـن راعبـيٍ فـي خوافيـه باحـي
وعطه الحروف ويكفي الحرف للبوح
عسـاه الـى منـه قـراه استراحـي
فيه الغرام ودمـع الأعيـان مسفـوح
ادله والـى منـي تذكـرت ساحـي
كله عليك ومنك مـا صـار بالـروح
انت السبب فـي نازفـات الجراحـي
اول كلامك عـذب الانغـام مملـوح
بعجابك اللـي مـن جميـع النواحـي
وآخر كلامك سـر الايـام مشـروح
اجتاحنـي بيـن الضلـوع اجتياحـي
وملكتنـي ملـك المماليـك بمـزوح
لين ان سـد المنـع بيديـك طاحـي
وصديت كن الود والعـرف مذبـوح
وخليتنـي كنـي كسيـر الجنـاحـي
مالك ورى قطع المعاليـق مصلـوح
ولالك ورى تعذيب روحي صلاحـي
وخلاصة الموضوع والقلـب مفتـوح
وفـي داخليـه للـمـوده مـراحـي
ان جيت صوتي من منـاداك مبحـوح
وان رحت فالدنيـا وسيعـة مناحـي
وسرك ترى لو جرت ماهوب مفضوح
مانيب مـن عقـب المـوده يلاحـي
ومسموح منتب فاول الناس مسمـوح
كـم واحـدٍ قفـا بلـيـا سمـاحـي
وكم من غرامٍ يدخل القلـب ويـروح
ايـام ويجيلـه مـن الغـدر ماحـي
الله الله الله .
انشهد انه ابونا بلاشك ,
دمتم بحب وتسلمون.
مع تحيا111111111111تي ,,
