[خالد بن تركي]

وعليكم السلام ورحمة الله وبركاته

هلابك أخوي محمد ,,

ما شاء الله عليك مواضيعك دايم مهمه وبمكانها
لكن عندي تعليق بسيط فديتك ..

هالطريقه لو سويتها صحيح بتلقى سرعة الاتصال 115 لكن صدقني ماراح يتغير شي بالتصفح او بالداون لود

بقولك ليش ,,

الان الشركه اللي داخل انت الانترنت باشتراكها تعطيك كحد أقصى 64 ك بت/الثانيه
لا الجهاز ولا المودم يقدر يرفعها ,, هذا شي من الشركه نفسها هي محدده لك السرعه ,,
هالطريقه هذي تزيد سعة استقبال المودم ,,
نقدر نقول بهالطريقه تحد المودم على أقصاه
وسواءا ً قللت من سرعة المودم او زدت ماراح تزيد سرعة الاتصال عن الحد المسموح فيه

هالطريقه تصلح لبعض الشركات الغير موجوده عندنا
اللي ماتحط حد ثابت للسرعه ماتقدر تعديه
يعني لو كانت فاتحه لنا المجال اننا نخصص السرعه اللي نبيها نقدر نزيد ونقص على كيفنا
بس الشركات عندنا واغلب الشركات بشكل عام تحدد لك سعه معينه وحد للسرعه مانقدر نتجاوزها
ودامها محدده لك السرعه القصوى للدايل اب 64 مانقدر نزيدها ابد
جرب وشوف هل فيه فرق بسرعة التصفح او التحميل
ماعليك من الارقام شوف هل فيه اختلاف والا لا

انا جربت هالطريقه من سنه تقريبا أو أكثر اول ماطرحت باحد المواقع ومالقيت نتيجه
ولو نفكر فيها بنعرف انه دام الشركه نفسها فارضنا علينا حد معين للاتصال اجل مانقدر نزيده احنا
ولو صحيح انها توصل لـ 115 كان تجاوزت بمراحل سرعة الدي اس ال

هذا والله أعلم ,,

ألف شكر على هالموضوع يابعدي
لاخلا ولا عدم يابوحميد

تحيه طيبه