يابو كريم ...
هذه الغريبه الرهيبه ...
كسيتها اجمل حله / الصدق ..
وزينتها بتاج الصراحه ..
وعطرتها بأجمل عطر ادبي ..
شكرا لمن اهدانا كتابة تستحق القراءه ...
......................
بس المشكله الله يسلمك اني اذا كتبت بعدك
تصير غريبتي كنها من بضاعة (البطحا) وعارضها
في (الفيصليه) ...
بذمتك عاد ابلقى لها مشتري ..!!!
لكن تدرى وشلون اكيد ابلقى لان نص اللى فى الفيصليه
فقارى مثلي ومثلك بس يشخصون هناك لزوم البرستيج ..!!
....................
غريبه ...
ليش من يبغى يتطور
لازم يربي ( قطو ) ...
وينتبه دايم لثوبه
لا ينجسه (الوضو) ...
مايهمه عيب أو شرهة رجال ...
وان مشى
من الغطرسه
كن قطب الارض مال ...
وان حكى تتعب حروفه
قبل مايعطيك كلمه ...
وبين كل كلمه وكلمه
لازم يحط ( انقليزي ) ...
حتى لو هو مايعرف
الا ( شيبس ) ولا ( كريزي ) ...
وان سألته ليش هذا ..!! ؟؟
قال : ذا اصل الوجاهه ..!!
و ( الكرم ) و ( الطيب ) و ( النخوه ) ..
تفاهه ..!! ؟؟
يالله استر ....
هذى والله المصيبه ...
غريبه ...