[بندر الذيابي]

الليل ينقض في الظلام ويعيده : ونا احسب اعلوم الليالي جدايد

تمرني وقول هذي جديده : واثار غيري فرقتهم بدايد

كم علمتني عن ومورن عديده : وكم بينت قدام عيني وكايد
.
عرفت منها الغاليه والزهيده : وادركت منها كل نقصن وزايد

وعرفت منهاالمهلكة والمفيده : والخوة اللي ماوراها فوايد
...
كم صاحب لاجت على مايريده : والا رما الخوة ورا كل نايد.

وكم واحدن لوكانت ارضه بعيده : يسبق لصوتك والبقيه بعايد.

احدن غيابه عن عيونك فقيده : واحدن تغثك صورته في الجرايد

ربي جعل من حكمته في عبيده : للعب ناس وبعضهم للشدايد.

لاخير في جاهن بليا عقيده : ولاخير في قومن بلياعوايد


صح لسانك اخوي احمد

كفيت ووفيت

قصيده وقفت امامها طويلاً

قرأتها واعدت قراءتها
ولم امل من ذلك
فقررت ان اقتبسها كما كتبتها

لا اخفيك سراً اني تأثرت بقراءتها

ربما انك نبشت بقصيدتك جروحاً بداخلي لم تندمل

شكراً لك على هذا الابداع

وننتظر المزيد

تقديري