[عبدالرحمن الربيّع]

تخيلتك قمر صافي
نثر شعره علـى جبينه
تخيلتك نهر دافي
شعاع الشمس في عينه

الا ياساكن الأحلام
متـى بيمرني طيفك
يمر العام بعـد العام
وأتذكر تواصيفـك

متى بتمرني باكر
أشوفك وأملأ عيني منك
وتآمرني وأنا حاضر
وقلبي دارك ومسكنك

متى بتضمني لصدرك
وتطفي كل آهاتي
أناماني على خبرك
أنا تحرقني لوعاتي

أنا لو قلت أحبك موت
أنا ما أظنها تكفي
برددها بأعلـى صوت
حتى تقول لي يكفي

تخيل وأنت فغيابك
أحس الوقت ما يمشي
وأروح أركض على بابك
ودمعي حاير برمشي

تسيل الدمعة وأتركها
عساها تغسل جروحي
وأحاسيسك أحركها
بآهاتي وصدى بوحي



من ديواني ...