كذا صدفه بلا موعد حبيبي شافتك هالعيــــن
ومن شفتك الى الحين وقلبي فاقد شــــــعوره
غزاني حبك العذري عجز لاينتظر بــــــــعدين
وانا اشهد مارحل الا بيوت الحب معمـــــــوره
ذبحني رمشك القاتل حلف يقضي علي الحين
مشت لك هالمشاعر بالرضى وتقول مجبـــوره
عرفتي للغلا فيني عرفتي تبدأي من ويـــــن
عرفتي تدخلي وسط الخفوق وتعبري ســوره
عرفتي تأسري قلبي عرفتي كيف تــــــتولين
عرفتي كيف لجروحي تصيري اليوم دكتوره
حسافه مامضى من دنيتي من قبل لانتي تجين
صدق من قبل اعرفك كل لحظه تروح مهدوره
تعالي اه يالبى حياتك كنتي عني ويــــن
تعالي واسعدي قلبي تعالي واشعلي نوره
تعالي بعثري همي تعالي واقطعي هالبيـــن
تعالي بددي حزن(ن) تعبت ولاانتهى دوره
تعالي وارحمي حالي لأني صرت بين وبــــين
هموم(ن)تشغل افكاري وجرح(ن)علني جوره
تعالي ياحياة القلب ابيك بعينك تشوفــــــين
غرامك كيف انبت في خفوقي ورد بحضوره
ابيك تعلمي العالم ترى ماارضى لو تخبين
ابيك تعلميهم من غرامي كيف مســــــروره
حياة القلب الا القلب الا عيوني الثنتـــــــــين
اشوفك انتي بالدنيا وباقي الناس بس صوره
تعالي اتبختري واحيي مشاعر ماتت من سنين
تعالي واسألي ذيك الخواطر ليه مكســـــــــوره
تعالي واقهري العذال لعيون الغلا تكفـــــــين
عشان اهل القلوب اللي تحسد تروح مقهوره
تعالي علميهم يااميرتهم من تحبــــــــــين
ابي قصة محبتنا تصير اليوم مشهـــــــوره
وانا عني ابعلن للملا كله من تكونيــــــــن
بعلمهم غرامك في قصيدة حب مأثــــــــوره
أحبك ايه أحبك ايه أحبك لين ماتموتـــــين
واذا متي بموت وياك واحب بروح مقبوره
ياعمري ارفعي يدك وقولي يالغلا آمـــــين
عسى ربي لايحرمني غلاك وينطفي نـــوره
.
.
.
.
.
(الهــــــــــــــــــــــــاء)