[المبدع]

بسم الله الرحمن الرحيم

اخواني الغالين الشعار المشاركين في منتدى المحاورات والمساجلات في شعبيات الاقلاع

السلام عليكم ورحمه الله وبركاته

الله يمسيكم بالف خير يالغالين .. يعلم الله اني ماني احسنكم ولا افضلكم ولكن انا واحد من مجموعه وعود من حزمه .. انا هنا اتكلم بصفتي واحد منكم وعضو من اعضاء المنتدى ويهمني مثل مايهم اي واحد فيكم تطور مستوانا الشعري والادبي والاخلاقي قبل كل شي .. اخواني الغالين .. تواجدنا هنا مهوب لللمشاركه بس بل عكس تواجدنا هنا لاثرااء الساحه الشعبيه بالمواهب الجديده وممارسه هوايتنا الشعريه وبلاخص فن المحاوره في الشعر .. المحاوره اللي كثير من الناس يجهل معناها الحقيقي ودورها في تقديم الشعر باسلوب راقي ومبدع .. كلكم تتفقون معي في الكلام هذا .ز لكن كثير من الناس مايعرف المحاوره على اصولها .. وموقعنا هذا على شبكه الانترنت لتعريف الناس بالمحاوره باسلوبها الصحيح ..

اخواني الغالين كلكم مشرفين وكلكم مسؤلين عما يدور في منتداكم .. والشرهه تلحقكم قبل تلحقني اذا فيه شي خطا في المنتدى .. فيه نقطه مهمه ودي اركز عليها لاهميتها ولضرورتها قبل كل شي اللي هي المناقشات اللي مالها سنع .. وتصفيه الحسابات . هاذي مالها مكان في المنتدى ابد ابد ابد .. اللي له على اي واحد من اخوانه ملاحظه او توجيه فيه صندوق رسايل وفيه مشرفين مسؤلين عن كل مايدور في المنتدى ..

اخواني .. انا واحد منكم واكثركم يعرفني ولافيه فرق بيني وبين اي عضو من اعضاء الاقلاع ..
ولا انسى اشكر اخوي عكاشه .. اللي كان مشرف على المنتدى ويعلم الله انه الرجل المناسب في المكان المناسب لكن لضروفه ترك الاشراف .. وتحملت المسؤليه بعده .. وانا وانتم والشعر والمحاوره والاخوه .. والله يعطيكم الف عافيه


اخوكم ... المبدع