[صالح العبدالكريم]

كنت أعزّك يوم كان لهالمعزّه الف طاري
............... كنت اظنّك في الليالي المظلمه بتكون ضي

كنت اصدّق كل كلمه وآخذ الطعنات عاري
.............. وكنت أقول اليا انتخيت بشاربي تفداك طي

أثرني فيك انوهمت وأحترق وجهك بناري
............. صرت أشوفك في حياتي غلطه وتحسب علي

جيت بأكبر حيله خلّت شيمتي تسبق خياري
............... جيت في موقف جبرني أميّل عقالي شوي

المشكله ما جاك شي يحدّك تشوشر نهاري
.............. بس منت براعي عشره حدّك ملاعب وغي

لا تخاااف من العواقب كانها وصلت لثاري
................ اللي ما يبلعها جمره وربي ما يفرح بمي

ما بقالك شي عندي لجل افكر بك واداري
............... لأنك اصلاً صرت عندي ما تساوي اي شي

أما بآخر عمري مثلك جاي بيزعزع وقاري
................ انت من صدقك تكلّم ( والله ما باقي الا هي )

الزمن والحكي وأنت وكل من يطعن سماري
................. يوم بتموتون لكن : يبقى رب الناس حي ..!