ما دمت ما تعرف غلاك إلاّ بغيابك
وما تبي حتى تطمّني عليك
ليه جيت !
وليه علّمت السوالف تحتريك !؟
وأنت تدري وش لك بقلبي مكانه
وإنّي رغم البعد سااااكت
وما نطقت بأي كلمه
بس قلّي بكل أمانه
ليه غبت
وشاللي جابك !
جاي تحييني بحضورك كم يوم
وباقي أيامي تموّتني بغيابك !!
يا شبيه الشمس
إن قربت منك إحترقت
وإن بعدت شوي تتجمّد ضلوعي
وأنا بين إثنينهم تلقاني واقف
شخص أبعد من بعد باكر
ولكن إنجبر يرجع لأمس
وأنت حدّك لين أمس
صعبه ترجع الأولاني
اللي فجأه
دون ما أدري دخلني
فرّغني من نفسي وملاني
يوم كان العشق حاجه تفضح العشّاق
لو شوارعهم تبيع الليل للظلمة
لو " أحبّك " في نظر هالناس كلمه
وفي نظرهم شي ثاني !!
والله يستر
لا يكون إحساسي هالمرّه صحيح !؟
صالح عبد الكريم ..
صباح يليق بعذوبتك ،
سألتقط انفاسي وأعود هنا دوما.... والله يستر ..
ايها الرائع ..
من يمتطي صهوة الكتابه الجامحه غير فارس بارع في
ترويض الحروف ولجم الكلمات وصيد المعاني..
حروف كعنفوان الخيول تجري ....
تتمرد على كل شيء تقليدي ..
وكشموخ الجبال تقف صامده ...
وكلمات رائعه لكاتب يحترف الكتابه ...
حرف غارق بالحزن .. العتاب .. الكبرياء .. الحب ..
احساس يقطر عذوبه ..
اتمنى لك كل الصباحات المشرقه سعاده فأنت تستحق ..
واتشرف ان اكون ضمن حضور صفحتك ..
كما يسرني ويزيدني فخر تسجيل اعجابي بهذا القلم المبدع ..
دمت رائعاً .. عذباً