من المتبع
أن تتساقط الدموع على حي ..قد مات
اما هذه الدموع فهي اخر الدموع
على ميت قد عاد للحياة من جديد ربما من وجهة نظره
الى من تعي ما اقول
اقول
دمعي اللي طاح لك ياغايبه ..من وسط عيني=صاح لك خلاص كافي هذا اخر مافي عينه
هذا دمع الشوق الاول يوم اول ..تنثريني=وهذا اخر دمع باقي ..كان ودك تنثرينه
من مساء الحزن ..صاح ..وكمل صياحه ..بويني =لين دليته دربه..ثم تاه ..ودل .. وينه
كان طفل به شقاوه وسال رجل ..وسد ..ديني=ومن يسدد ..مر دينه بعد ماهو طاح دينه
كان ينظر لك (كمال) ..بيوم كنتي ..تناضريني=ناضريه شلون طاح ..ولا يلد ..لناضرينه
كنتي بعيونه مدينه ..وكان لك دايم.. مديني=لين اصبح لا مدين ..ولا انتي بعينه .. /مدينه
وكان يترجى حنانك ..كل مامره .. حنيني=لين خليته ميت حس ..مايرجي ..حنينه
وكنتي الساحل لصدره ..لين جفك ..أفهميني=وكان ماتقوين فهمي ..يمكن انك تفهمينه
كان صدره شبه ميناء للنوارس ..والحزيني=لين كلت هالنوارس ..شط صدره ياحزينه
من سكنتي وسط صدره ..واهو تايه مايبيني=ومن طلعتي ..صاح صدره كيف انتي ماتبينه
كنتي طفلة وسط عينه ..ترتجيه ...وترتجيني=لين ضيعتي رجايه ..فيك ..يومك ترتجينه
من ياس منك حبيبه ..وانتي كنتي ياسميني=وللاسف ما عاد يحلم ..حتى هو في ياسمينه
من لبس حلم الصحاري نور ..بعيونك دفيني=ادفنيه ..وسدي اذنك ..لاصرخ ..لاتدفنينه
كان أغبى إنسان..صدق كذبه الحب اللعيني=لين شاف بام عينه كذبه الحب اللعينه
كم تمنى يطير ..بيدينك سحاب ..وجاب (سيني)=وااه منه يوم جاه االصد أخر( جيم) سينه
كان طفل ٍ من شتاتك فيك ضايع كل حيني=لين صدق من خباله ..ضيعتك في كل حينه
وكان يرقى للسماء ..بدمع حاير من سنيني=لين كل من الصعود الى السماء ومن سنينه
هذا ..أخر ..شي منه ..صاح لك لاتذكريني=وهذا اخر شي مني ...لاانغصبتي ..تذكرينه
دمعي اللي طاح منك ..يامها من نون عيني=هذا اخر دمع باقي لك هنا ..يانون ..عينه
ولانويتي تكتبيني في حروفك ..ف أكتبيني=هذا اغبى انسان حب بصدق ..لحظه تكتبينه
وهذا اخر حرف اخر ..ينكتب لك ..من يديني=وهذا ..اخر ..حرف ..اخر ..من فقدتيها يدينه