[محمد العتيبي]

اخواني اعضاء المنتدى

اتمنى ان تلامس قصيدتي احاسيسكم

واتمنى ان اجد منكم التوجيه والنقد الهادف

(علما انه تم حذف بعض الابيات للخصوصيه)

كتبت اسمك على حدب الضـلوع وقـلت ضـميها

............. حروف ولعت فيني لهيب الشوق وازريته


وسألت من الوله وين العيون ووين اراضيها

............. الا وين الحبيب اللي تسرعت وتمنيته

وبكيت ودمعتي هـانت وانـا لولاك مابـكيها

............. وقلت فـداك دمع(ن) من ضنا فرقاك هليتـه

وشكيت وما شكيت الا جروح(ن) عايش فيـــها

............. تعاتبني على شان الغرام اللي تناسيته

وتذكرت السنين اللي مضت لي بين اياديهـا

............. وصحت من القهر ليت الزمان يعود ياليتـه

وتمنيت الســنين المقبله تـصفى ليالـيها

............. واعيش بحضن محبوب(ن) بليا ذنب حبيتـه


واعذرونا على التقصير

ولكم تحياتي


Text