يابو عبدالله تعرضت الطويله =لو ماهي يالسنافي عادتلي
مير ما فاليد منها اي حيله =واكثر هجوس الضماير زوللي
وردني مرقب ربي يزيله =لين راح البال منها مستملي
شايمن من شومة النفس العليله = شايف لي علم ماهو جايزلي
شفت فالاصحاب يارجال ميله =اكثر الاصحاب منكر ماقف لي
من صديق ماتوسم بالفضيله =راح يالمنعور قلبه جاحدلي
حاسب انه لي صديق ومن قبيله = واثره الملعون ماهو صافي لي
شيشه شيطان قلبه ماحكيله =ثم نقز في قاعة الخسه يدلي
ويوم جا بين العرب يومي شليله = يحسبني غافل امره مافطن لي
يحسب المزحه وحيلات هزيله =مثل سيل يدفن ارسوم يبلي
واحتداني بالقصيره والطويله = وكل ما يطري على قلبه يهلي
ناكر ما قمت له حين استعيله = يوم من مدة يدي جيبه امتملي
ماذكر يمنا تخفف له ثقيله = حاسب الدعوه شطاره يوم هلي
مادرى ان الطيب مجحاده فشيله = مثل عهد يالعوارف ما يحلي
راح واصحابه تزيّن له حصيله =واعسى من ضيع الحروه يولي
طبعي الصاحب ليا زل ما التويله =بس مرضى احدن يجي ايهدد محلي
ومن تحاقرني حقرته ما ارتضيله =اصفقه بالوجه ماروح امتخلي
وكان من طاوع هذاك الرجل حيله = اعرف اني فيه مانيب امتحلي
مافقدنا درهمن نلقى بديله =يوم ولد اللاش من جهله يملي