[عبيد البديري]

العيد والله فرصةٍٍ.. للمحبين
لك فرحةٍ.. يا عيد هزّت كياني

لجيتنا يا عيد صرنا متهنين
فيك الوصل .. وانت البشر والتهاني

ليت الدقيقة فيك يا عيد يومين
ما دام نور الولف يملا مكاني

شفت الحبيب.. وخفت من دمعة العين
تفضح سروري بواحدٍ قد جفاني

خليت لوم القلب يا عيد بعدين
كلّش نسيته.. يوم ولفي نصاني

سلّم.. وصار العيد بالقلب عيدين
ردّيت.. وردّي.. مدري من وين جاني

كل عام وانت بخير.. يا قرّة العين
أنت الوداد .. أنت الغلا والأماني

ليت الموادع.. ما يجي بين قلبين
يكّفي.. عذابٍ من غيابك لفاني

يا مرحبا.. يا عيد الأحباب واهلين
طابت خواطرنا.. بطيب المعاني




ـــــــــــــــــــــــــــــــــــــــــــــ

الشاعره الرائعه
نوره الشبيلي
عيديه جميله من شاعره متمكنه
دائماً نسعد بمصافحة طرحها الجميل
لله درك ودر الشعر الأصيل أستمتعت بهذه
الفاتنه كثيراً 000



تحياتي وكل عام وأنتي بألف خير