[سرحان الزهراني]

شوفوا :
الكلام : حروف .. وهذي النقاط : أنثى !
وكنّ الصداع / الشمس
وعيوني الأوراق ..
للسالفة باب وطريق ، وأصابع وشمعة
تشبه حنين الضيّ ، لمّا يجي يشتاق
لو يحترق هالليل ..في غمضة عيونك ..
بكون ممنونك ..

ما ريّحتنا الريح .. صوت ، وظلام يسيح
مرّينا في درب المدينة .. أمس
كان الظلام أزرق .. معشوشب ويغرق
والبحر مابه شطّ ..
ليّل علينا الليل .. كنّه بكى بدري
شقيت انا صدري ..
شفت الهموم كثار .. قارب بلا بحّار

ما ضاع منّي شي .. غير احتياجي لك
لو ما تجيني همس
بـ : اضيع انا أكثر .. واصير فيك : أصغر !

حبيبتي .. يا أغنية
صرتي فـ عمري .. أمنية
في ليلة الميلاد ..
قولي .. وش اللي عاد ؟
صوت الهوى ، والحلم .. والحب ، والألوان