إقتباس:
الرسالة الأصلية كتبت بواسطة النـ ج ـدية
تحبينه ؟! ( يقولونه) و أنا اقول الغلا مدرار
سقا في قلبي زهور الخزامى .. مع نواويره
احبه لو يقول الحاسد اللي ما قرا الاذكار
تحبه والهوى أعمى و ممعن في تدابيره
ترا والله لولا الشمس ماهي من لهيب النار
جهلنا قيمة الفيّه .. و ظل ٍ يطرد الحيره
وفي ظل الزمان اللي يدور و طبعه الغدّار
و كفٍ ما تجود الا .. بهمٍ يشعل الغيره
اقوله يوم عذّال الهوى لي تنقل الاخبار
احبه لو يلوموني .. عسى تالي الغلا خيره
آمانه من آمان الله .. تلوذ بقربه الأزهار
يذكْرني شذى عطر الزهور شلون تأثيره
كثير اللي نسى حزنه وراح يسفّه التذكار
وآنا كلي وفــا للي كتبته فالورق سيرة
|
المبدعه دائماً نجدية الشعر الأصيل
نص فاخر ولغه فاخرة لا يتقنها إلا من يملكون
ملكة الابداع وأنتي أحدهم " كنت ولازلت هنا في ضيافة الشعر الحقيقي"
.... شكراً من الأعماق على حضورك البهي هنا ,,,,,,
أخوك