بعدشتريداسويلك ...
ولك حتى الدمع بالعين
خلصته...
تريدالعين أبكيلك؟!!
ولك حتى البرق بالروح
طفيته...
تريدالروح اضويلك؟!!
واسولف قصتي وياك
مايلزم ...
كل الناس عرفت قصتي وياك
خلي الناس تحكيلك ..
تعب حسي ..تعب فكري
تعب كلي يناديلك
ولك غافي !!
على صدر الوقت غافي !!
حذاري من الوقت ياهواي
لوهوه يناغيلك
ولك تذكر؟!!
ليالي الصيف والقمرة
عيون من السهر فترة
وهي تنطر ..
على جيتك نذر تنذر
ومع اسراب الكراكي القوطرت
لبلاد كلفه..
ألف لهفة ..
ويادمعة شوق ياظالم ..
توديلك
أنا الغلطان !!
اي والله أنا الغلطان
تدري ليش؟!!
لإني جيتك بفرحة عمر طاير
وملتهقلك ..أبديلك
وانا المجرم !!
تدري ليش ؟!!
لأن هذا القلب وياك وقف
وقبل لاتوقع يشيلك !!
وانا الكذاب!!
اي والله أنا الكذاب
تدري ليش؟!!!
لاني الصدق علمته الصدق وياك
اش احكيلك ؟
وش ابديلك؟!!
ولك موقدجمر بين الضلوع
هواي ضميتك ...
واقولن ذا حبيبي الماأفرطن بيه
وتاليها !!ولك وسفا
ولك وسفا وألف ياحيف
بعد شتريداسويلك ؟!!!
ولك بعد شتريد اسويلك ياعبدالكريم
الشاعر العراقي الرائع العذب ...؟
في حبك .. لهفتك .. عتابك .. عذب الروح والكلمة
استمتعت بـ ترانيم اللحن على آلة مقامية ..
شكرا لمشاركتنا الشعر والفرح 
نطمع ان تكون احد شعرائنا المتميزين جدا في حضورك ومشاركاتك المختلفة وتفاعلك الدائم
أعذب التحايا كـ شعرك ..