|
العضوية الماسية للموقع
|
( 1 )
( لمن يكتب الشعر سكر زيا ده )
يا قصيدي ساحة الاشعار نادت ونت الاول
فكرة(ن) ترقى براعيها لمركاز القيادة
والله انك راعي الهمه وطبعك ما تحول
ما عسفت القاف بالرجوى ولا تطلب وداده
الغياب اللي خذك مني ترى بالحيل طول
طالت الطرقه ولا مريت يا وجه السعاده
وادري انك لا رجعت بيبكي الشعر المقول
ينكسر عود الغرور اللي تمادى في عناده
تنفتح كل المسالك من بعد حظر التجول
كلما مريت لك راعي وله ثور زناده
للشموخ لهامة(ن) عليا وواجبنا تطول
للجهاد وللطريق اللي يودي للشهاده
للثكالى للحيارى للفقير اللي تسول
للضمير اللي صحا ماريحه كبر الو ساده
للوطن وللحصون اللي حماها ما ينول
للرجوله للشهامه وبالمواقف للجلاده
للا مومه لكل طفل(ن) لجل حضن امه تعول
لليتيم اللي رماه الوقت في درب النكاده
لليمين اللي تصد الظلم ولكفه تخول
ماتخلي له قلوب(ن)يعتبرها من عتاده
للد لال اللي تصب وللصحون اللي تحول
للكرم للجود لللي ماخذين الطيب عاده
للعيون الدعج لللي في محبتها يمول
كل موال(ن)طرقته تل له خفاق غاده
هذي افكاري وابي قاريك ياشعر يتهول
اسق من وده قراح ومن يبي السكر زياده
الشاعر / حزام السعد
,,,,,,,,,,,,,,,,,,,,
,,
,,
,,
,,
( 2 )
( ردالعــطا يا كلها ..تدري مسامح )
ياللي غرامك دمعتين وسهد وبعاد وصدود
وش يجبر الخطوه وانا صادق تسيرني معاك
عـرقوب نفسـك ماجـبره الحـب يـوفي بالوعـود
خـاين خلقـك الله خايـن كذب تصـبح لي ملاك
تـر سل لي المـوت الحمر ملـفوف فـي باقـة ورود
وتـشـبع اوراق الرسايل قـبل ترسـلها هـلاك
وشـلون تـرفع رايـة الهـجران لـي في راس عـود
وانا جـعلت الوصل رايا تة(ن) تـرفرف في سماك
الـيوم جـيت آحاسبـك عنـدي لـزلا تـك ردود
رد العطايا كــلها لـو كانت من اول فـداك
رد الخـفوق اللي غـدى فـي حـبك القاسي شـرود
عـطاك كل اللي تبي يـوم الله المعطي عطاك
رد الـشـموس اللي وهـبـتك ونت تلـقاها بـرود
كـم نورت لك درب ونت ابد(ن) تحسـبها ضـياك
رد السهـر هـذي نجـوم الليل والقـمرى شـهود
سـهرتها لجلك على جـرف الهـدب يومك هـناك
رد الـقصـايد ردها ما عـاد به للشـعر فــود
ماعـاد تـلقى في قصـيدي نبع تـروي به ضـماك
رد الحـنين اللي بنا بـين الحنايا لك سـدود
كـل المشـاعر مرهـا قلـبي وهو يوصـف غـلاك
رد الـمشاوير الطـويله لـو قـدرت بـلا حـدود
مشـيت لك درب الـوفى كله ولا قاني جـفاك
تـعال باقـي واحده سـلم مـفاتـيح الـقيود
ولا عسـاها لا بـتعـدت تذوب مع طـاري هواك
تـدري مسـامح فارق عيوني ولا ابغى منك زود
يكـفـيني ان الدهـر يا غـدار بين لي خفاك
جـعل الـزمان اللي رماني في غـرامك ما يعود
وان واجهـتني بك سـنيني قلت لك عود وراك
الشاعر / حزام السعد
,,,,,,,,,,,,,,,,,,,,
,,
,,
,,
,,
( نـــظـــــــــره )
يا ناشدي وش بلا عيني تعاف البعاد
ذي كـربة(ن) في ضميري حل زلزالها
عشـق(ن) تولعت به لين استحال الرقاد
وانا انتظر من شعاع الشمس مرسالها
يا شعرها اللي غدى لليل ســر المداد
لوما ظهرت شمس عنقه غاب سلسالها
الله رحمني وسبحانه رحيـم العباد
عـز القوايــل وعز الليل في جالها
ولا عيون(ن) لفتني من بحـور السـواد
واقبلت اطارد بلاويها وغـربالها
لا سلهمت قمت اشـك ان اعذب الصبر فــاد
شـفق(ن) على رشفتة(ن) من حرف فنجالها
فنجالها اللي وراه من الكلام المراد
حرفين تسـوى حياتي مير ما قالها
ولا جبين(ن) رجـح كل الجواهـر وزاد
صبح(ن) ينادي زهور الارض لاطـلاهـا
شربت لعبة هواها العذب علم(ن) وكــاد
ليتي ولد عمها ولا ولد خالهـا
حسبتها وين ابلقى عقب هذي سـهـاد
عـز الله الا سـرق نومي سـنا شـالها
وادركـت نفسي وقمت اخزها باجتهاد
قـدام لا تطـري الخـطوه على بالـها
هـي نظـرة(ن) مير انا طولتها بالعناد
اقول يمكن تغيب ويبخـل وصـالهـا
الشاعر / حزام السعد
,,,,,,,,,,,,,,,,,,,,
,,
,,
,,
,,
( 3 )
( رسمتك في غلاف ا لذا كره )
خذاني طيفك الساري على كف السهر واقفا
لبحر عيونك اللي سافرت ... وشلون وداني
سريت. وما توسلت القصيد وقلت له تكفا
دريت انه اليا جاء موعد الونات وافاني
بديت أنظم جداول شعر مثل عذوبتك واصفا
عساي اسلى حنين داخلي .... في بعدك اظناني
كتبت . وما دريت أن القصايد ودها تدفا
وأنا ويا الدموع ولهفتي من يسبق الثاني
رسمتك في غلاف الذاكره . ميعاد ما يجفا
اشوفك .. كل ما افتح نافذة حسي ووجداني
أحبك والمسافه نار ... عيت بيننا تطفا
دخيلك . لو طوتني دنيتي .. ليَاك تنساني
تذكر ... كل هم مرنا ... وقلوبنا ولفى
تذكر كل دمعة شوق .. ذابت لك من اعياني
مدام جروحنا عيت ... بطول سكاتنا تشفا
تعال اكتب بكف البوح . كلمة موت حرماني
وعوَد للسكوت اليا بغيت .. وخلني باغفا
على اخر كلمتين تقولها ... باوقف ازماني
الشاعر / حزام السعد
,,,,,,,,,,,,,,,,,,,,
,,
,,
,,
,,
( 4 )
( مغا تـــير حبك )
حبيبي تعبت اطوي مسافات درب اللوم
وانا كنت اظن السا لفه ما تعنيني
خذيت الامور بهزل يومي قوي عزوم
على كل موقف صعب فكري يعديني
تصبرت لين الصـبر نقـظ وعود النوم
ولا صار لي وعد(ن) مع ا لنوم يظويني
غدى جفن عيني والسهر والمخايل توم
مضا لي زمان(ن) ما تهنيـت يا عيني
ترى ما سليت مجاهد الفكر بك من يوم
مغاتير حبك نوخت في شراييني
وزبنتها واخـفيتها عن عـيون الـقوم
ابي لا فقدها راعي النوق يلفيني
ولا لي بعد ما جاتني منك نية ســـوم
تركت الطروش اللي من اول تباريني
وانا خايف(ن) تدبر سنيني وانا ملزوم
على حلمي اللي تاليتها مشقيني
تخيلت انا البارح حداة الزمان تحوم
تبي سالفتنا واغبر الوقت يطويني
اقول الله اكـبر كيـف خليتني محـروم
ولا انته بداري يا غلا الروح وشفيني
وقررت ابين لك عنا قلبي المهمـوم
عسى لا شكيت الجرح ترجع تداويني
غيابك ترك بيني وبين السـنين علوم
تحملتها لجلك ولو كنت ناسيني
شكيتك ضما للوقت وارويتني بسـمـوم
وانا اقول يمكن تالي الوقت ترظيني
متى تشرق الفرحه على صدري المكتوم
وتدهم ظلامي طول الليل ساريني
واسامحك وادمح زلتك واعتذر للوم
ليا صرت يا محبوب قلبي قضا ديني
الشاعر / حزام السعد
,,,,,,,,,,,,,,,,,,,,
,,
,,
,,
,,
( 5 )
( آآآه واللهـفـه تعـب )
آآآه واللهفه تعب وانت ياخذ ك الكلام
كلما هبت علينا السوالف من بعيد
مرة(ن) تصفين وآقول ناسيك الملام
ومرة(ن) تجفين وآقول يالحظ العنيد
كيف اصور لك قصيدي حمامات السلام
كيف ابهدي قافي الحر لاقفاص الحديد
صدق انا أشوفك على صدر هقواتي وسام
وافتخر اني على قمة احلامك وحيد
واحترق لين آصلك وانطفي عندك وانام
وادري ان البسمه اللي بدونك ما تفيد
واعرف اني لوبدت حرب في كفي حسام
مستحيل آموت لعيون غربالك شهيد
ولو اطفي شمعة القرب انا صدري ظلام
قسوتي ياشينها مالها صبح(ن) جديد
الغلا اللي كان منثور لعيونك حطام
والله انه ما يفيدك ولا الرجوى تفيد
ودي اعرف من صهيلك وفلتات الزمام
آخر افكار المجانين وش مني تريد
لاتجيني كلما دق ناقوس الغرام
احسبيها قبل تلفين بالراي السديد
كانها لقيا ترى العمر مسكوب احترام
اوتجي فرقى عسى تارك المقفي سعيد
وكان ودك بالجفا دون نظراتك غمام
ابشري ما عاد تلقين جمعات(ن) وعيد
انسي الميعاد والشوق والساعه تمام
واعتبرهاموجة البرد للطفل الشريد
وانا اصلي علنبي عد من صلى وصام
عد ما سالت سيول(ن) وماذاب الجليد
اذكريني فرحة(ن) في مساحات الكلام
كلما هبت (عليك) السواف من بعيد
الشاعر / حزام السعد
,,,,,,,,,,,,,,,,,,,,
,,
,,
,,
,,
مع تحيات / نادره
|