[c]
اخواني الاعزاء في شعبيات
السلام عليكم ورحمة الله وبركاته
ابدا معكم بمصافحتي هذه واتمنى ان تنال القبول والاستحسان [/c]
[poet font="Arabic Transparent,5,white,bold,normal" bkcolor="purple" bkimage="" border="none,4,gray" type=1 line=200% align=center use=ex length=0 char="" num="0,black" filter=" glow(color=white,strength=3)"]
تكابرتي على حالك قتلتي بداخلك احساس =
= خذلتي من نسى نفسه على شانك ولا همك
وقلتي لي ببرود أعصاب حبيبي لي متى حساس!!=
= حبيبي من شفاتك لي تسقيني طعم سمك
تبني بي شعور الضيم على سوره تبروز ياس =
= عليه من الاثر باقي كلام(ن) كاتبه دمك
كتب لي ماعرفت أقرى سئلته من قوي الباس؟ =
= قوي الباس ياقلبك سئلته جابني يمك
وجيتك طالبك ترفق بقلب(ن) مابغى هالناس =
= رفض كل الوروود الا رحيقك موتته شمك
وقف نبضه وزاده خوف من دقت به الاجراس =
= صحى مفزوع من حلمه غفت عينه على أسمك
وعينك لو لها لي شوق ابد ماهوب يجيك نعاس =
= وقلبك ليه لاجيتك تضايق بك ولا ضمك
شموخك يقتل الاشواق تقومي والبشر جلاس =
= تشحي في وصالك ليه؟ تشحي في حكي فمك ؟؟
ترا ماهي محبة يوم ولو هي شهور ماتنقاس =
= وعندي اغلا ماعندي غلايه شف غلا أمك
تحبك كيف تشتاقك تبيع بدمعتك هالناس =
= وربي ياغلايه لك حّلى بي طعم سمك
وربي يعلم أنك لي شعوري وأجمل الاحساس =
= واحساسي حكيته لك أذا مجنونك يهمك
[/poet]
[c]الـمـحـيـنـي[/c]