[ثاني العنزي]

تدرين يادار الفخر .. منهو يـبي عـزك يـدوم ؟؟
اللي ليا شاف الخطاء .. يـستـنـكـره .. ويـعــيـبـه

واللي عليك اكثر خطر حتى واشد من الخصوم
من يـمـتـدح ثوب الردى .. ويــبـخره .. ويـطيــبــه

ياللي لحـل المعضله .. وصلت لحـدود النجــوم
تـرى العلوم .. اللي تحـل المعضلات .. قـريـبــه

علم ٍ يـحـل المعضلـه .. قـدامـه الصعب مـهــزوم
ويـعـمـــر .. الـمـتـهالـكــه .. ويـربي .. الـمـتـسيــبــه

علم ٍ نـثـره المصطفى .. اخـيـر مــن كـل العلوم
ماهوب خافي .. انما .. عـنــه العـقــول مـغــيــبـــه

هذا الوكاد.. ولو لحقني من بعض ماقلت لوم
وعلي .. لو بعض النفوس اتصير ماهي طيـبه

سيان .. ماعودتها مبطي على حب الخشوم
من هاب كلمة حق .. ياعـل الكريم يـخـيـبــه