[سرحان الزهراني]

صباح الخير :

صباحك ورد يالون الربيع .. وجـوّي الممطـر
.......... صباحك فُلّ .. يا عطر السماء وشمسي وظلّـي
صباحك عذب .. من شوفتك شعري صار يتمخطر
.......... فديتك تحـت أمـر عيونـك النجـلا أنـا كلّـي



sms من أحمد المطوع ( باللون الرماي ) كتبها بإحساسه العذب وارسلها , أعجبتني .. فكمّلت عليها :

من يسقي القيظ :
بـ / عَرَق موعد .. ومن هو يجمعه ؟!
من يعتق الليل المسافر من عيونك للجفون ؟!
تعبت وآنا اتأمّله !
من يذرا في صمتي سنابل
من عيونك .. واتبعه !
تعبت كثر الأسئلة .. وانا الغريب اللي كثر لون الغروب
الصبر كلّه تجرّعه ..
أحبابي ذكرانا القديمة !
والمسافـــــــات .. / اشتياقي
والهروب / الأقنعــــة !
مـ اقسى من أخبار الفراق ..
في السكــــة شفها .. موزّعه !
رحمة .. هي أخبار اللقا ..
في الزحمة أحزان الورق .. كومة و ( نوت )
مقطّعه !
ياصاحب القلب النظيف ..
تشري همومي .. بالرّغيف ؟!

جنوبيّات :
( 1 )

يا حالية قامة ويا زهر رمّـان
.......... يــا ورد نـــدّى نـديّــة
جودي بوصلك مرّةٍ طول الازمان
.......... واهـديـك قلـبـي هـديّــة


( 2 )

يا مرحبا واهلين يا كامل الزين
.......... يـا عــود مــوزٍ تثـنّـى
في كفّتك ترجح جميع الموازين
.......... روحــي لـروحـك تعـنّـا



................... :

مع اوهامي
غفى هالشوق لعيونك .. ونوّمته
تعب قلبي من ظنونك .. وما لمته !

في الطريق لـِ المقهى :

قلت لعبدالعزيز المالكي : يا عبدالعزيز فكّنا ياخي .. ما أبغى ألحّن لك شي !
قال : تكفى يا عمر كدرس !
قلت : الله يرحمه .. لحّن ليلة خميس لابو نورة .. لا تتّريق !
قال : توّني ادري منك !
قلت : المهم .. شف لنا شي نسمعه .
قال : عندك في الدرج " سيلين ديون " .
قلت : الحين من عمر كدرس لـ سيلين ديون مره وحده ؟!
فتحت السي دي .. وقلت له : فيه أغنية Im Alive ؟
قال ايه .. رقم 4
أوّل ما بدت تغنّي قال عبدالعزيز :
(( الله يخرب بيتها ..
يوم تفتح فمها أحس يطلع فراشات ! ))

( اليوم الثاني قرأت في موقع العربيّة انّ سيلين ديون دخلت المستشفى بسبب مشاكل في حنجرتها !!!!!!! )


في أعلى قمّة بمدينة الطائف .. كتبت :

حزين الطائف الليلة ..
حزين ..
ونام فـِ : الشارع .. كما المسكين !
حزين .. ودمعه المصلوب في صيف الفراق سنين :
كما التنّور
كما لون السجاير بـ اوردة صدري !
كما هالعالمين ..
اللي سمعتي صوتهم يبكون !
وعلى فكرة :
أنا وحالي .. وعذّالي
وصمتٍ مر في بالي ..
وهذاك النورس المحزون ..
نفكّر فيك
لو تدريـــــــــن !


دعاء :

اللهم انّك ترى خوفي منك ..
وقوّتي بك
وأنت تعلم يا الله .. سرّي وظاهري
فاغفر لي وارحمني ,
ويسّر لي أمري ..