[مانع اليـامي]

سلم لي على عمك

وخله لايصير هو وعصابته قطاع طرق..ويسلبون عابرين السبيل..

تر كثر الجرايم تسوقه لمن يأدبه..

خذ لك عبره ...

وتر عمك طاح وسط عصابته من رمح الفارس..اللي اعترضوا طريقه لحاله..


هذه سالفه وعبره من الزمن..

عموما لنظل مع فريح بن عقاب...ووصف ماصار..


فاتن ثمان سنين والثـار غـادي =مواكرك ياعقاب عقبانها صغـار
عضود فرخك ما تجيـد الهـدادي =سنه صغير ولا تمكن مـن الثـار
واليوم يروي مرهفـات الهنـادي =والخيل من فعله هزايـم وعبـار
يا عقاب دونك هايس جاك بـادي =ثم انشده ياعقاب كيف الخبر صار
فرخ العقاب اللي رمى به وكادي= خلا شتات الريش شتان وبـذار
حرٍ قنص حرٍ بثـاره وصـادي =ليث على خيل المعاديـن كـرار
الى عثـى بمشمـرات الجـوادي =ياعقاب مثلك لاحمر الـدم نثـار
يقطع صبـي مـا بثـاره ينـادي =والخوف ما طول قصيرات الاعمار