الموضوع: ملح الحياة
مشاهدة مشاركة بصفحة مستقلة
قديم 25-08-2017, 13:31   #1
حمود الصهيبي
شـــاعر
 
الصورة الرمزية الخاصة بـ حمود الصهيبي
 

ملح الحياة

يوم اقبلت ماكنها إلا الشمس في وقت الشروق
كبّرت كيف الشمس بانصاف الليال اشروقها
جتني تخطى صوت خطوتها مثل نبض العروق
واشراقة الصبح إن تنفس تنبعث من موقها
من صوبها العطر المعتّق نسنس وصاح الخفوق
قلت اثبتي يالارض أنا فوقك وربي فوقها
الجادل اللي وصفها على مثايلها تفوق
الروح تطرب لا حكت والشهد من منطوقها
الزين طاغي والحلا والشعر في مثله يلوق
من يوم لا حت لي وانا اغني على طاروقها
وانا عيوني تختلسها كنها عين السروق
لبيه يالبيه يا ملح الحياة وذوقها
رعبوبةٍ لا سلهمت تجرح وتبري كل عوق
والعين عين اللي على الصيده تتل سبوقها

التوقيع: الشجرة اللي ما لنا تحتها فيّ / مقعاد مثلي في طرفها سماجه
الصهيبي
حمود الصهيبي متواجد حالياً   اضافة رد مع اقتباس