الموضوع: مساءات ..!
مشاهدة مشاركة بصفحة مستقلة
قديم 21-11-2007, 18:39   #3
سرحان الزهراني
شــاعر
 
الصورة الرمزية الخاصة بـ سرحان الزهراني
 

مساءات ..!

,

أغنية الأماكن ..
سمعتها الين ملّيت .. وقالت لي ملّيت .. ودّي بأحد غيرك !
بس اوقات .. " ياخذنا الحكي .. "
اوقات .. لمن اكون واقف بالإشارة , او أمشي على رصيف بآخر الليل
وتمر سيارة , أو توقف ..
دايماً اسمع هذا المقطع :

.... جيت قبل العطر يبرد
قبل حتى يذوب في صمتي .. الكلام
... واحتريتك !


جيت قبل العطر يبرد !!
واحتريتك !


واسأل نفسي ,
قبل العطر يبرد !
انا إذا جيت اشتري عطر , ألاحظ انّ البائع يرشّ شوي ع المنديل .. وبسرعه يحركه , عشان يبرد العطر , يعني معقول أسرع من كذا .. جيت !!


أتذكّر ..
واعدتني في ليلة .. وقالت إذا الضّيوف جلسوا للعشا .. بطلع اشوفك
وجلسوا الضيوف , وقاموا .. وسروا .. ولا طلعت عشان تشوفني
يمكن نست !
بس للأمانه ..
أنا جيت .. قبل العطر يبرد ..
واحتريتك !!


يسعد مسائكم , ومسائها .. وين ما كانت

التوقيع:
للفكرة وجهان:
حبيبة نائية، ووطن أبكم.
Twitter: @sarhaaan
سرحان الزهراني غير متواجد حالياً   اضافة رد مع اقتباس