أبرحل بس في صدري من جروح الزمان الآلام
،،،، أبي وان ماعرف غيرك تعرف السر والنيــه
أنا لو غرّني وقتي أبهجر " قرية الأقزام "
،،،، مـدام ان قرية الأقزام بالاصنام ممليـه
طراة الرجل يرفع رآيته لارفت الأعلام
،،،، ويحرق ما بقا ويسوق نفسه لاول الهيه
يبيع الروح كان الروح حيّه والنفوس أقسام
،،، وعمار الخلق بين الخلق مبيوعه ومشريه
مدام الوقت ما فرّق مابين "الضبع " والضرغام"
،،،، سلامي يا عيون ٍ ماتشوف النور موليه
حمد الزكيبه