السلام عليكم ورحمة الله وبركاته
دامت أوقاتكم بخير أيها الشعبيين
لكم ولشعبيات شوق يفوق ما تتوقعون
ــــــــــــــــــــــــــ
عوّد ترى نص العمر فاتك
ما عاد باقي للبطا تبرير
خذ ما تبقى مني وهاتك
هاتك شويّه بس للتصبير
ثار النسيم يشم نسماتك
كل شي حولك لا حضرت يثير
زان الربيع بوقع خطواتك
واعشوشب القريّص والنويّر
في كل وجهاتي مسافاتك
وفي كل درب تحط وجهه غير
أتعبت دربك بالتفاتاتك
وقفّت قلب الدرب يوم تحير
مع كل صبح استجمع إشتاتك
بالشعر والتأليف والتصوير
تكتم على أنفاسي بنظراتك
وتقول لك حرية التعبير !
على الغلا بقطع علاقاتك
من شان تبقى سيرتك في خير
