[نجـود]

مساء الخير..

بما أني من هوامير السوق السعودي << لبنه العليان..

بستعرض لكم الحالات المستعصيه بالسوق السعودي..

عندما تحلم في المساء بالانهيار في سوق دايخ وتكتشف ان الانهيار فقط موجود في عقلك الباطن فانت بحاجة الى طبيب نفسي متخصص بالاسهم البنقالية‎ .

- وعندما تكتشف ان احد الموصين يردح له يومين في سهم وتشتري وتحلم بنسبة وتجد نفسك في نشبة حينها تجد ان ولادة السهم غير شرعية وعليك بالبحث عن الاب الشرعي‎

- اذا عرفت ان مضارب السهم يقوم بفتح بطن المساهم الصغير بدون تعقيم وبدون اشعة حمراء ولا ليزر ولا ليزك فتأكد ان المخلصين في الصالات والمنتديات ادخلوك غرفة العمليات بدون حجز مسبق‎ .

- اذا وجدت نفسك على مفترق الطريق لاتستطيع الدخول للسوق من خوفك من نظرية المؤامرة والانهيار سوف تكتشف ان الاسهم تتناقـز من يمينك وشمالك مثل الضبان حينها غـن أشر بالمنديل اه قال انا ماشي‎ ..

- عندما تضع كل مبلغك في سهم واحد ويبقى مضارب السهم منبطح ارضا ورفع شعار نزل سهمك انت اسعودي فأنت في مدرسة النجاح التي لم ينج احد‎ .

- اذا جتك العجوز بتاعتك الصباح وقالت حلمت انك ياوليدي في مزرعة خضراء وراح بالك انك بتكسب لانها بشرى خير فتوقع ان العجوز كانت تحلم عن ايام الصبأ ايام المراعي والكلا حتجد اسهمك طماط مخلوط بحليب السعودية فلا تتفأل بخير‎ ..

- هل تعلم ان السوق السعودي مثل الصندوق الاسود ماينعرف الا بعد مايموت الركاب وتسقط الطيارة‎ ....

- عندما تعرف ان اسهمك لها سنتين ترتفع وتنزل على سمعة الشعير جا والشعير راح وسلام للجدعان واهل الحتة فانت بحاجة ان تغني .. الا ياهل الطائف متى تفتحون اشهار نجيكم على الطاري متى ما دعيتونا‎ ..

- عندما يجري مضارب السهم فحص كلي على جسمك يستنتج من انفعالاتك انك مخضوض وتكتين وتفك سهمك .. فقول الا واهني من صام وافطر على ريقه‎ ....

- يجب عليك اذا تعلقت بكراعينك في سهم فوق في العلالي وجلست تشم الهواء وتقول انا في الطراوة ان تطالع في برنامج سيرة وانفتحت . عشان تسلي نفسك من الطفش ... بس انصحك لاتغني اروح لميــن .. عشان ماتفقد توازنك وتطيح‎

- اذا رفعك مضارب حائل 5% ونزلك 10% فيجب عليك اخذ الحذر وفورا ردد هبت هبوب الشمال وبردها شيني‎ ..

- اذا فقع مرارتك مضارب المواشي فكلمة السر خروفي خروفي لابس بدله صوفي .... تماتيك تجد الخروف مع سعد جمعة في اغنية الزار يناطح‎ ...

- اذا شفت سهمك له اسبوع راكد وتشوفه بيقلع لاتقعد تردد يمه القمر علباب اطلع انادي له يمه اشيل السهم والا انادي له . خل الماما وامسك بالسهم بايديك واسنانك وجب الجماعة يمسكون معك‎ .

- اذا اظلمت الدنيا في وجهك وجتك امراض اكتئاب العالم الثالث والعاشر فاعرف انك في سهم الكهرباء .. بس خفف على نفسك وردد روق روق بكره الدنيا تروق‎ .

- اذا صكوك الرجاجيل وانت تحلم بالنسبة وخرجو قبل النسبة فاعرف انك فارس بني خيبان‎ ..

- اذا انت مدمن اسهم وما نفعت معك السيروكسات والفاليوم وحالتك ميؤس منها فعليك بخلطة بشر بخيت من كتاب علم الدندنة في اصول القردنة ياتخرج برى ياتدخل الصناديق المصندقة‎ .....

- اذا المظارب قتل السهم الي معاك فردد كلمات( مات اخويه يابوية برصاص قناص ) وابتعد عن مسرح الجريمة اقصد السهم هذا اذا مسكو المظارب متلبس بجريمة القتل‎ .

- اذا نزل سهمك 3 ايام متتالية فسميرة سعيد تقول يوم وراء يوم خليك مردد وراها واصح تخطي .عشان ماينزل نزول مظلي وتبلش‎ .

- اذا لاحظت سامبا يعلق معك في التنفيذ فاعرف ان الجماعة متفقين على التصحيح . اقفل الشبابيك وخذ نفس عميق حتى يزول الخطر‎ ...

- اذا انا ازعجتك ودوختك بكلامي هذا فابتسم انت في السوق السعودي‎ ....

مع تحيات مجموعه بنات عليشه...