[ناصر الفراعنة]

بسم الله الرحمن الرحيم
والصلاة والسلام على الهادي الأمين


احببت ان اهدي اليكم قصيدة غريّب والتي كانت لها مناسبة
طريفة ذكرتها في احد الأشرطة .
فأحببت ان اصافحكم في هذه المتواضعة علها ان ترقى الى مستوى اذواقكم وهي قديمة جدا. وكانت ارتجالية في ذلك الموقف وتلك القصّة

[poet font="Simplified Arabic,5,orange,bold,italic" bkcolor="black" bkimage="" border="outset,4,orange" type=2 line=200% align=center use=ex length=0 char="" num="0,black" filter=""]
بسم الله نبدأ
,,
,,

جعل يسقي دار غضّ العود صيّب=ياغريّب صاحبٍ يذبج جماله
صاحبٍ زينه لابن يومه يشيّب=خلّ عاد اللي عمر عشرين طاله
ابو عينٍ يا تعيّب يا تغيّب=بنت عمّ الموت مدري بنت خاله
وابو رمشٍ لو تشوفه يا غريّب=متّ ما كمّلت لو ربع البيالة
وابو خدٍّ صفحته صفحة كتيّب=كنّ زهر الورد نقشٍ في رياله
في محل البدر حلّ ولا تهيّب=والقمر ما كلّ خدٍّ جاء بداله
من يشمّه مات عمره ما تطيّب=وش يبي في الشيح والعنبر حلاله
وابو عنقٍ عن حشا صدره تسيّب=يا حياة الشرّ يا عنق الغزاله
وابو نهدٍ لا يخيْب ولا يخيّب=تقْل فوق الصدر يُلقي له مقالة
وابو قدٍّ لارقص ما ينتعيّب=وصف دابٍ ينفخ الساحر قباله
وابو خصرٍ لا حضر ردفه تغيّب=من عصا موسى على وصفه دلالة
وابو ردفٍ ما يجيبه ردف ثيّب=قومته ما قامها صاحب جلالة
يوم شفته لا بعيد ولا قريّب=لعنبو جدّه تقِل يمشي لحاله
ان وقف لا هو دقاق ولا دبيّب=وان مشى كنّه يطالع في ظلاله
ولّ مشية ما مشاها الا الحبيّب=كنْ يمينه ربّطوها في شماله
صاحبي لا قلت شيٍّ قال:طيّب=اطوع القلبٍ يحبّه من خياله
[/poet]

تحياتي