السلام عليكم ورحمة الله وبركاته
وكل عام وانتم بخير
يشرفني الانظمام لهذه الكوكبه الرائعه من الشعراء وهذه اول مصافحتي امل ان ترتقي لذايقتكم
ليت الزمن ما يغيّـب عنـي احبـاب=وان غيّب احباب عيني لـي يـردون
اغياب بعض البشر ما كنـه اغيـاب=لو غاب عني دهر ما بـاح مكنـون
الغيبه الذابحـه غيبـات الاصحـاب=اللي علّي وعلـى مملـك يمونـون
ما ني بقاوي وجرح القلب ما طـاب=الحال يعلـم بهـا الله دون فـي دون
ان قلت بصبر وبنسى صـرت كـذاب=اشوفهم فـي خيـال وحلـم ياتـون
لا سكروا باب بفتـح لرجـاء بـاب=العـذر مقبـول والغلطـات بتهـون
اصدق واصادق واحب ونيتي كتـاب=بيض النوايـا صحايفهـا ويـدرون
واللي جمعنـا وفرقنـا بـلا اسبـاب=طول المدى ما محى صاحب ومضنون
لاهان قدر الخوي بحضـور وغيـاب=واحباب عيني عساهم لـي يـردون